26 dekabr 2013 18:33
Aslan Kərimov Rusiya yığmasına kömək edəcək
2014-cü il yanvarın 4-də Rusiyanın Sankt-Peterburq şəhərində Valentin Qranatkinin xatirəsinə həsr edilmiş 1996-cı il təvəllüdlü yeniyetmələrdən ibarət komandalar arasında futbol yarışı start götürəcək. Azerisport.az xəbər verir ki, Azərbaycan yığması turnirə hazırlığı davam etdirir.
Komandamızı Yunanıstan, Çexiya və Yaponiya komandalarına qarşı oyun gözləyir. Milli yığmanın ikinci məşqçisi Aslan Kərimov da hazırlıq prosesinə qoşulub.
“Hazırda yeniyetmələrdən ibarət yığma ilə Qranatkinin xatirə turnirinə hazırlaşıram. U-19-un baş məşqçisi Nikolay Adam ona sankt-Peterburqda kömək etməyimi xahiş edib. Bizi çətin yarış gözləyir. Axı komandamız əsasən 1997-ci il təvəllüdlü yeniyetmələrdən təşkil edilib. 1996-cı il təvəllüdlü futbolçular bizdə azdır. Rəqiblərimiz də bu əsnada zəif deyil”, deyə Aslan Kərimov qeyd edib.
