26 dekabr 2013 15:33
Azərbaycan yığmasının kapitanı əməliyyat olunacaq
Futbol üzrə Azərbaycan yığmasının və “Qarabağ”ın kapitanı Rəşad Sadıqov qasıq nahiyəsindən cərrahi əməliyyat olunacaq. Azerisport.az xəbər verir ki, futbolçu tibbi müayinə keçib və həkimlər ona əməliyyatı məsləhət biliblər.
Əməliyyatın dəqiq vaxtı məlum deyil. Ancaq bunun sabah olacağı da istisna edilmir.
Xatırladaq ki, Sadıqov qasıq bağlarını “İnter”lə oyunda zədələyib. Əməliyyatdan sonrakı bərpa iki aya qədər çəkə bilər.
