24 dekabr 2013 17:00
Neftçi TPL mövsümünün ilk yarısı üçün statistikada liderdir
Azerisport.az TPL mövsümünün ilk yarısı üçün bəzi statistiki göstəriciləri diqqətinizə çatdırır:
“İnter”in hücumçusu Vaqif Cavadov ən yaxşı bombardirdir: 9 qol. Hücumçu həmçinin, qol + ötürmə sistemi üzrə liderdir: 13 xal (9qol + 4 ötürmə).
İkinci pillədə 12 xalla (6+6) Leonardo (“Qəbələ”) qərarlaşıb.
Ən çox ötürmə Flavinyoya (“Neftçi”) məxsusdur: 8 ötürmə.
Qapıya zərbələr üzrə Viktor İbekoi (AZAL) - 48 zərbə ilə liderlik edir. Franko Junior (“Xəzər Lənkəran”), Mindauqas Kalonas (“Bakı”) və Lorenzo Ebesilio (“Qəbələ”) - 45 zərbə ilə növbəti yerləri bölüşür. Rauf Əliyev (“Bakı”) qapıya zərbələrdə 53% dəqiqlik nümayiş etdirir.
Ötürmələrdə Rəşad Sadıqov (“Neftçi”) liderdir - 1367 ötürmə. Mahir Şükürov (“Neftçi”) ikincidir - 1133 ötürmə. Qara Qarayev və Bədəvi Hüseynov (hər ikisi “Qarabağ”) 91% ötürmə dəqiqliyi göstərib. Ebesilio 62 təhlükəli ötürmə verib. Mahir Şükürov isə cərimə meydanına 134 ötürmə edib.
Təkbətək mübarizələrdə “Bakı”nın futbolçusu Lukaş Horvat (372) fərqlənib. Brüs Abdulaye isə (“İnter”) 70% göstərici ilə bu kateqoriyada liderdir.
Qapıda “Xəzər Lənkəran”ın qapıçısı Alvaro Silva fəal olub (124). Alvares Abrante (“Bakı”) 72% faydalı iş əmsalı ilə liderdir.
“Qarabağ”dan Reynaldo “birinci mərtəbə”də fəal olub (390). Ən yüksək əmsal isə, Yuve Travnerə (“Bakı”) məxsusdur - 63%.
Müdafiədə təkbətək mübarizələrdə Brüs Abdulaye (172), Rauf Əliyev (157) liderdir. Top itkilərində isə Vaqif Cavadov (269) fərqlənib. Top sahibolmada isə “Xəzər Lənkəran”dan Manuel Skarlatake (170) öndədir.
Ən yaxşı dövrələmə “Xəzər Lənkəran”dan Sadio Tounkaraya məxsusdur (126). Topalmada “Neftçi”dən Erik Ramos fərqlənib (129). AZAL-dan Junior isə top ələkeçirmədə liderdir (116). Topgötürmədə də Skarlatake öndədir (167).
İbekoi ən çox qayda pozuntusuna yol verib (50). Flavinyoya qarşı ən çox qayda pozulub (58). Üç dəfə bu hal, rəqib qapısına penalti ilə nəticələnib. Aleksandr Şemonyaev (AZAL) ən çox xəbərdarlıq alıb (8). Ruslan Qurbanov (“Sumqayıt”) və Elvin Yuniszadə (“Neftçi”) iki dəfə qırmızı vərəqə alıb.
InStat-a görə rəmzi yığmaya növbəti oyunçular daxil olub:
Qapıçı: İbrahim Şehiç (“Qarabağ”) - 150;
Müdafiəçilər: Brunu Bertuççi - 159, Mahir Şükürov - 150, Denis Silva - 153 (hamısı “Neftçi”), Rəşad Sadıqov (“Qarabağ”) - 153;
Yarımmüdafiçilər: Erik Ramos - 158, Rəşad Sadiqov - 157, Flavinyo - 168, Araz Abdullayev - 149 (hamısı “Neftçi”);
Hücumçular: Çumbinyo - “Qarabağ”) - 161, Daniel Subotiç (“Qəbələ”) - 144.
Ehtiyat heyət aşağıdakı kimidir:
Qriqori Lomaya (“İnter”), Ansi Aqolli, Maksim Medvedev (hər ikisi “Qarabağ”), Karlos Kardoso, İqor Mitreski (hər ikisi “Neftçi”), Riçard Almeyda, Qara Qarayev, Reynaldo (hamısı “Qarabağ”), Aleksandr İaşvili (“İnter”), Cavid İmamverdiyev, Ernst Nfor (hər ikisi “Neftçi”).
