23 dekabr 2013 17:44
Böyükağa Hacıyev: AFFA Mahir və Arazın xidmətlərini unutmamalı idi
“Neftçi”nin sabiq baş məşqçisi Böyükağa Hacıyev azerisport.az saytına açıqlamasında AFFA tərəfindən Azərbaycanın ən yaxşı futbolçularının mükafatlandırılmasına münasibət bildirib:
“Mən düşünürəm ki, AFFA Mahir Şükürov və Araz Abdullayevin xidmətlərini unutmamalı idi. Araz gən oyunçudur. Millidə oynadığı oyunlarda itilik yaradaraq uğurlu oynayıb. Onu həvəsləndirmək lazım idi. Yığmanın ən yaxşı oyunçusu Rəşad Sadıqov oldu. Ona hörmət edirəm. Ancaq düşünürəm ki, o, bu mükafatlardan yorulub. Mən onun əleyhinə deyiləm. Ancaq Mahir sabit oynadı və Şimali İrlandiyaya qol vurdu. Düşünürəm ki, Mahir ilin ən yaxşı futbolçusu olmalı idi. Bu, mənim qərarımdır”.
