21 dekabr 2013 14:14
İbrahim Şehiç: Qarabağın DÇ-də oynayan ilk futbolçusu olmaq istəyirəm
"Qarabağ"ın qapıçısı İbrahim Şehiçin azerisport.az saytına müsahibəsi
- İlin son oyunu barədə nə deyə bilərsiz?
- Oyun bir neçə məqamda vacib idi. İlk növbədə növbəti 3 xalı qazanmaq lazım idi. Həmçinin biz liderin məğlub olduğunu bilirdik. Qələbənin bizi 1-ci yerə çıxaracağını başa düşürdük. Jurnalistlərin sevdiyi kimi desək, biz bu halda qış çempionu olacaqdıq. Heç nəyə baxmayaraq, biz qələbə qazanmaq istəyirdik və mövsümün ikinci yarısına hazırlaşmaq üçün fasiləyə yaxşı əhvalda yollanmağı hədəfləmişdik.
- Siz oyun haqda heç nə demədiniz...
- Biz yaxşı oyun keçirdik. Sözsüz ki, layiqli qələbə qazandıq. Bu matçı mövsümdə "Qarabağ"ın ən yaxşı oyunlarından saymaq olar. Mənim işim elə də çox deyildi.
- "Neftçi"nin xal itirəcəyinə inanırdız?
- Düzü, mən bu haqda düşünmürdüm. Sadəcə istəyirdim ki, orada nə olacağından asılı olmayaraq, komandam qalib gəlsin.
- Düzü, mən bu haqda düşünmürdüm. Sadəcə istəyirdim ki, orada nə olacağından asılı olmayaraq, komandam qalib gəlsin.
- Qış çempionluğu sizin üçün nə anlam kəsb edir?
- Yalnız bizim ayyarım zirvədə qalmağımız baxımından əhəmiyyətlidi. İndi bu liderliyi mövsümün sonuna qədər saxlamaq lazımdı.
- Mövsümün gedişində qoşulduğunuz "Qarabağ"da öz oyununuz haqda nə deyə bilərsiz?
- Özünüz qeyd etdiz ki, komandaya mövsümün gedişində qoşulmuşam. Mənə uyğunlaşma üçün müəyyən vaxt lazımdı. Axı Azərbaycan mənim üçün yeni ölkədi.
- Özünüz qeyd etdiz ki, komandaya mövsümün gedişində qoşulmuşam. Mənə uyğunlaşma üçün müəyyən vaxt lazımdı. Axı Azərbaycan mənim üçün yeni ölkədi.
- "Qarabağ" xoşunuza gəlir?
- Mənə burada rahatdı. Çox yaxşı kollektivimiz var. Mənə elə münasibət göstərirlər ki, sanki uzun müddətdi buradayam. Qardaş kimi.
- Yayda Bosniya və Herseqovinanı DÇ-2014 gözləyir. Sizi bu yarışda görə biləcəyik?
- Yığmanın baş məşqçisi mənə dedi ki, "Qarabağ"da oyun təcrübəsi qazana bilsəm, Braziliyaya gedə biləcəm. Çox istərdim ki, ölkəmin ilk dünya çempionatına azarkeş qismində getməyim.
- Yığmanın baş məşqçisi mənə dedi ki, "Qarabağ"da oyun təcrübəsi qazana bilsəm, Braziliyaya gedə biləcəm. Çox istərdim ki, ölkəmin ilk dünya çempionatına azarkeş qismində getməyim.
- "Qarabağ"ın heç bir futbolçusu indiyədək DÇ-də oynamayıb...
- Deməli, mən birinci ola bilərəm. Siz mənə əlavə motivasiya verdiniz.
