20 dekabr 2013 11:33
Uli Ştayn: Hələ yayda AFFA və Foqts müqaviləni uzatmamaq haqda razılığa gəlmişdi
Futbol üzrə Azərbaycan yığmasının qapıçılar üzrə məşqçisi Uli Ştayn, AFFA və Berti Foqts arasında mövcud müqavilənin müddətinin artırılmasına münasibətini azerisport.az saytına şərh edib:
“Hələ yayda tərəflər razılığa gəlmişdi ki, müqavilə müddəti artırılmayacaq. Ancaq komanda təsnifat mərhələsində üç oyunu uğurla keçirdikdən sonra, hər iki tərəf məsələyə yenidən baxmaq qərarına gəldi. Azərbaycanda futbol yüksəlişdədir. Son bir neçə ildə biz komandanı xeyli cavanlaşdırmışıq. Ötən seçmə mərhələdə cəmi üç oyunda məğlub olmuşuq. Biz hamını təəccübləndirə biləcək komanda toplayırıq”
(Sky Sports)
