20 dekabr 2013 19:47
Çixradze: Komandam çox yaxşı oynadı
"Simurq"un baş məşqçisi Georgi Çixradze Topaz Premyer Liqasının 18-ci turu çərçivəsində qarşılaşdıqları "Rəvan"la oyunu şərh edib. Azerisport.az xəbər verir ki, zaqatalalıların çalışdırıcısı 3:0 hesabıyla başa çatan görüşdən sonra bunları söyləyib:
“Komanda yaxşı oyun göstərdi, 3:0 hesabı ilə qalib gəldik. Qış fasiləsinə yaxşı əhval-ruhiyyədə gedirik. Komandaya mövsümün ilk yarısına görə təşəkkür edirəm, Yeni il münasibəti ilə hamını təbrik edirəm. Oyunda Şahin Diniyevlə heç bir problem yaşamadıq, futbolçuların bir-birinə qarşı sərt oynadığı epizoda reaksiya göstərdim. Çempionatda asan oyun, asan rəqib yoxdur. Qol vurana kimi oyun çox çətin gedirdi, hesabı açdıqdan sonra isə daha rahat oynadıq. Komandanı gücləndirmək həmişə lazımdır. Fasilədə heyətimizə 1-2 yeni futbolçu cəlb edəcəyimizə ümid edirəm. Bu, həm rəqabəti, həm də oyun keyfiyyəytimizi artırmaq üçün lazımdı”.
