20 dekabr 2013 16:16
Azərbaycan klubları ÇL və AL-in başlama vaxtını bildi
Futbol üzrə ÇL və AL-in püşkatma və təsnifat mərhələsinin keçirilmə vaxtı məlum olub. Azerisport.az xəbər verir ki, ÇL-in ilk təsnifat mərhələsinin birinci mərhələ oyunları 1-2 iyul, cavab görüşləri 8-9 iyulda, ikinci mərhələ oyunları 15-16 və 22-23 iyulda, üçüncü mərhələ oyunları 29-30 iyul və 5-6 avqustda, pley-off oyunları 19-20 və 26-27 avqustda keçiriləcək.
Qrup mərhələsi oyunları ilə 16-17 sentyabrda start götürəcək.
AL-in ilk təsnifat mərhələ oyunları 2-10 iyulda, ikinci mərhələ oyunları 17-24 iyulda, üçüncü mərhələ oyunları 31 iyul və 7 avqustda, pley-off oyunları isə 21-28 avqustda baş tutacaq. Qrup mərhələsi oyunları isə 18 sentyabrda başlayacaq.
Yarışların ilk və ikinci mərhələsinin püşkatması 23 iyunda, üçüncü mərhələ üçün püşkatma 18 iyulda, pley-off mərhələsi üçün isə 8 avqustda keçiriləcək. Qrup mərhələsinin püşkatması isə ÇL və AL üçün müvafiq olaraq 28 avqustda baş tutacaq.
Qeyd edək ki, ölkəmizi ÇL-də yalnız bir klub təmsil edə bilər. Bu da Premyer Liqanın qalibi olan komanda olacaq. Həmin komanda ÇL-ə ikinci təsnifat mərhələsindən qoşulacaq. AL-də isə üç iştirakçımız mübarizə aparacaq. Bunlar Premyer Liqanın gümüş və bürünc mükafatçıları, həmçinin, ölkə kubokunun qalibi olan komandalar olacaq. Kubokun qalibi AL-də mübarizəyə ikinci təsnifat mərhələsindən qoşulacaq. Premyer Liqa mükafatçıları isə ilk mərhələdən yarışa qatılacaq.
