16 dekabr 2013 13:33
Türkiyə mətbuatı: Azərbaycan Foqtsu saxlamaq fikrindədir
Türkiyənin "İhlas haber" agentliyi futbol üzrə Azərbaycan millisinin baş məşqçi postuna namizədlərlə bağlı reportaj hazırlayıb. Azerisport.az xəbər verir ki, süjetdə bu posta namizədlər arasında türkiyəli məşqçilərin olmaması qeyd olunur:
"Mətbuatda Yılmaz Vural və digər məşqçilərimizin Azərbaycan millisinin baş məşqçi postuna namizəd olduğu deyilirdi. Amma əslində belə deyil. Azərbaycan Berti Foqtsu saxlamağa hazırlaşır. Ona görə bu xəbərlər həqiqət deyil. Üstəlik, türkiyəli məşqçilər baş məşqçi postuna namizəd olmayıb. Onlar barədə heç müzakirə aparılmayıb".
