14 dekabr 2013 18:35
Pantiç: Meydana çıxacaq futbolçular ölüm-dirim savaşına hazır olmalıdı
Topaz Premyer Liqasının 17-ci turunda “Bakı” sabah doğma meydanda “Qarabağ”la qarşılaşacaq. Azerisport.az xəbər verir ki, çempionatın lideri ilə görüş öncəsi son məşqini keçən komandanın baş məşqçisi Milinko Pantiç oyun haqda fikirlərini açıqlayıb:
“Bu gün üçün ən çətin görüşümüzdü. Çünki, çempionatın lideri və ən yaxşı komandasına qarşı oynayacağıq. Bütün bunlar çox gərgin qarşılaşma və mübarizə vəd edir. Rəqibə böyük hörmətlə yanaşıram. Amma “Bakı”nın da gözəl oyun göstərmək imkanları genişdi. “Qarabağ”la ilk dövrədəki oyunun (0:3) ilk 45 dəqiqəsi burada olduğum müddətdə ən pis çıxışımız olub. Lakin sabahın tarixi, ab-havası başqa cür olacaq. İlk görüşdəki məğlubiyyətdən nəticə çıxarmışıq. Meydana çıxacaq futbolçular ölüm-dirim savaşına belə hazır olmalıdı. Sabahkı qarşılaşmada Əfran İsmayılovun meydana çıxıb-çıxmayacağını bilmirəm”.
