14 dekabr 2013 15:33
Con Oluremi: Ümid edirəm ki, AZAL-ın uğursuzluqları başa çatıb
AZAL-ın yarımmüdafiəçisi Con Oluremi azerisport.az saytına müsahibəsində komandasının Topaz Premyer Liqasındakı çıxışından danışıb.
- Qarşıda sizi “Simurq”la oyun gözləyir. Bu rəqib haqda nə deyə bilərsiniz?
- Çox yaxşı təşkil edilmiş komandadır. Ötən dəfə biz üç xalı almağa yaxın olduq. Görünür ki, biz öz qələbə seriyamızı davam etdirməyi çox istəyirik.
- Düşünmürsünüz ki, Zaqatalada rəqibin üstünlüyü olacaq və AZAL-a qələbə qazanmaq asan olmayacaq?
- Onların nəyə görə üstün olacaqlarını göstərəcək səbəb görmürəm. Biz əvvəllər də səfərdə qələbə qazanmışıq və bu da istisna deyil. Sadəcə olaraq, biz yaxşı hazırlaşmalı və öz planımızı həyata keçirməliyik.
- Ancaq yenədə olsun, bu, “Simurq”un doğma meydanda ikinci oyunudur və bu, onları oyuna daha yaxşı kökləyə bilər. Həmçinin, “Simurq” sizin yaxşın izləyicinizdir ki, bu da oyuna xüsusi prinsipiallıq verə bilər. Elə deyilmi?
- Bəli, həqiqətən də. Fasiləyə qədər son iki turda biz mümkün qədər mütləq xal yığmalıyıq. Onların yarış cədvəlində bizi izləməsinə gəlincə, bu, heç bir təzyiq doğurmur. Biz istənilən halda qələbə qazanmaq isatəyirik.
- Ötən turda “Rəvan” üzərində qələbə, komandanıza nəinki üç xal gətirdi, həmçinin, AZAL-ın çempionatda 10 oyunluq qələbəsiz seriyasına son qoydu. Sizcə, bu qədər vaxtda qələbə qazanmağın mümkün olmamasına səbəb nə idi?
- Bizim yaxşı oynamayıb üç xala layiq olmadığımız bir-iki oyun olub. Ancaq əksər oyunlarda biz mübarizə aparırdıq. Bəxtimiz gətirmirdi. Ümid edirəm ki, bu uğursuzluq sona yetib, uğur bizim düşərgəyə qayıdıb və indi biz qələbə qazanmağa başlayacağıq.
- Oyunun özü barədə nə deyə bilərsiniz?
- Bu, xariqüladə oyun idi (gülür). Hər iki komandanın qol vəziyyətləri, şansları vardı. Komandamıza layiq olduğu qiyməti vermək lazımdır. Son dəqiqələrdə iki qolla qələbəni qopartmaq, futbolda az-az olur. Ancaq biz istəyimizə nail olduq. Biz bu qələbəyə doğrudan da, ehtiyac duyurduq.
- Siz özünüz də qol vəziyyətləri üçün şans olduğunu qeyd etdiniz. Ancaq maraqlıdır, 90-cı dəqiqəyə qədər qol vurmağa nə mane olurdu?
- Futbolda bəzən belə də olur. Ola bilər ki, biz bir qədər toparlanmalıyıq. Ola bilər ki, bizim bir qədər uğura ehtiyacımız vardı. Ancaq əvvəl-axır, biz özümüzə lazım olan qolları vura bildik. Bu, əhəmiyyət kəsb edən anlamdır.
