13 dekabr 2013 18:00
Maşado Nilson: Barselonaya qarşı Sərhədçi də çətin olacaq
“Araz” və Azərbaycan yığmasının futzalçısı Maşado Nilson azerisport.az saytına müsahibəsində futzal üzrə UEFA kubokunun Dördlər finalından danışıb.
- Təbrik edirik! Dördlər finalının çoxdan sizin komandanın iştirakı ilə keçməsini arzulayırdıq.
- Hamını bu münasibətlə təbrik edirəm. Bu, Azərbaycan futzalı üzün böyük imkandır.
- Nəyə imkan?
- UEFA Kubokunu qazanmaq üçün.
- Bu, “Araz”ın qələbə şanslarını nə qədər artırır?
- Hamının şansı bərabər olacaq. Hamısı Avropanın aparıcı komandasıdır.
- Evdə oynamağımıza rəğmən belə?
- Tribunalar bizim tərəfimizdə olacaq. Meydan isə bərabər mübarizə deməkdir. Dəstəyin əhəmiyyəti böyükdür. Ancaq bu, həlledici deyil. Bizə ən yaxşılara qarşı oynamaq lazımdır.
- Kimi yarışın favoriti hesab edirsiniz?
- “Barselona”nı. Titulun hazırki qalibi onlardır. Əsas rəqib də onlardır. "Barselona"ya qarşı "Sərhədçi" də çətin olacaq.
- “Araz” ikinci favoritdir?
- Demək çətindir. İştirakçıların səviyyəsi yüksəkdir. Qələbə fövqəladə olmayacaq.
- Çempionluqdan başqa hansı nəticə komandanızı qane edər?
- Ancaq qələbə. Bir dəfə üçüncü olmuşuq. Qələbə qazanmaq vaxtıdır.
- “Sərhədçi” arenası xoşunuza gəlir?
- Ötən il DÇ-nin pley-off oyunları çərçivəsində Azərbaycan millisi burada Rusiya yığmasını qəbul etmişdi. Bu görüşdə zədə səbəbi ilə iştirak etmədim. Demək istəyirəm ki, bir dəfə də orda olmamışam və oynamamışam.
- Deməli, 2014-cü il yerli futzal üçün əlamətdar olacaq? Bir tərəfdən UEFA kuboku, digər tərəfdən AÇ...
- Bəli. Biz oyunçular üçün də bu, vacibdir (gülür). Çalışarıq ümidləri doğruldaq.
