12 dekabr 2013 01:45
Çempionlar Liqasında qrup mərhələsinə yekun vuruldu
UEFA Çempionlar Liqasında qrup mərhələsinə yekun vurulub. Azerisport.az xəbər ki, ötən gecə E, F, G və H qruplarında son turun 8 oyunu baş tutub. Bu qarşılaşmalarda 1/8 finala son 5 vəsiqənin sahibi müəyyənləşib.
E qrupunda növbəti mərhələyə vəsiqəni təmin etmiş "Çelsi" bütün iddialarını itirmiş "Styaua"nı minimal hesabla yenib və birinci pilləni tutub. "Şalke" isə digər qrupdan çıxmağa digər iddialı "Bazel"i 2 cavabsız qolla məğlub edərək ikinci vəsiqəyə sahib çıxıb. Üçüncü yeri tutan "Bazel" Avropa Liqasında oynamaq şansı qazanıb.
F qrupunda maraqlı qarşılaşmalar baş tutub. Çünki bu qrupda son turdan öncə heç bir vəsiqənin sahibi bəlli deyildi. Qrupdan çıxmağa 3 iddiaçı var idi. Son tura lider kimi daxil olan "Arsenal" "Napoli"nin qonağı olub və 2 cavabsız qolla yenilib. Turnirin son finalçısı Dortmund "Borussiya"sı isə heç bir iddiası qalmayan Marsel "Olimpik"ini səfərdə məğlub edib. Nəticədə "Borussiya" və "Arsenal" 1/8 finala çıxıb, "Napoli" isə Avroliqaya vəsiqə ilə kifayətlənib.
G qrupunda növbəti mərhələyə vəsiqəni və liderliyi təmin edən "Atletiko" "Portu"nu 2 cavabız qolla yenib. Digər iddialı "Zenit" isə səfərdə "Austriya"a darmadağınla uduzub. Məğlubiyyətə baxmayaraq Sankt Peterburq təmsilçisi 1/8 finala adlaya bilib. Avroliqaya vəsiqəni isə "Portu" qazanıb.
H qrupunda mərhələ adlayacağı öncədən dəqiqləşən "Barselona" iddiası qalmayan "Seltik"ə divan tutub. İkinci vəsiqəyə iddia edən "Milan" və "Ayaks" isə İtaliyada sülh bağlayıb. Nəticədə "Milan" mərhələ adlayıb. "Ayaks" Avroliqaya vəsiqə ilə təsəlli tapıb.
Çempionlar Liqası
Qrup mərhələsi
11 dekabr
E qrupu
Çelsi (İngiltərə) - Styaua (Rumıniya) - 1:0
Qol: Georgiyevski, 10-öz qapısına.
Şalke (Almaniya) - Bazel (İsveçrə) - 2:0
Qollar: Draksler, 51, Matip, 57.
| 1 | Çelsi | 6 | 4 | 0 | 2 | 12 | 3 | +9 | 12 |
| 2 | Şalke | 6 | 3 | 1 | 2 | 6 | 6 | 0 | 10 |
| 3 | Bazel | 6 | 2 | 2 | 2 | 5 | 6 | –1 | 8 |
| 4 | Styaua | 6 | 0 | 3 | 3 | 2 | 10 | –8 | 3 |
F qrupu
Napoli (İtaliya) - Arsenal (İngiltərə) - 2:0
Qollar: İquayn, 74, Kallexon, 90+3.
Olimpik (Marsel, Fransa) - Borussiya (Dortmund, Almaniya) - 1:2
Qollar: Diavara, 14 - Levandovski, 4, Qrosskroyts, 87.
| 1 | Borussiya D | 6 | 4 | 0 | 2 | 11 | 6 | +5 | 12 |
| 2 | Arsenal | 6 | 4 | 0 | 2 | 8 | 5 | +3 | 12 |
| 3 | Napoli | 6 | 4 | 0 | 2 | 10 | 9 | +1 | 12 |
| 4 | O. Marsel | 6 | 0 | 0 | 6 | 5 | 14 | –9 | 0 |
G qrupu
Austriya (Avstriya) - Zenit (Rusiya) - 4:1
Qollar: Hosiner, 44; 51, Yan, 48, Kinast, 90+3 - Kerjakov, 35.
Atletiko (İspaniya) - Portu (Portuqaliya) - 2:0
Qollar: Qarsiya, 14, Kosta, 37.
| 1 | Atletiko M | 6 | 5 | 1 | 0 | 15 | 3 | +12 | 16 |
| 2 | Zenit | 6 | 1 | 3 | 2 | 5 | 9 | –4 | 6 |
| 3 | Portu | 6 | 1 | 2 | 3 | 4 | 7 | –3 | 5 |
| 4 | Austriya | 6 | 1 | 2 | 3 | 5 | 10 | –5 | 5 |
H qrupu
Milan (İtaliya) - Ayaks (Hollandiya) - 0:0
Barselona (İspaniya) - Seltik (Şotlandiya) - 6:1
Qollar: Pike, 7, Pedro, 40, Neymar, 44; 48; 58, Telyo, 72 - Samaras, 88.
| 1 | Barselona | 6 | 4 | 1 | 1 | 16 | 5 | +11 | 13 |
| 2 | Milan | 6 | 2 | 3 | 1 | 8 | 5 | +3 | 9 |
| 3 | Ayaks | 6 | 2 | 2 | 2 | 5 | 8 | –3 | 8 |
| 4 | Seltik | 6 | 1 | 0 | 5 | 3 | 14 | –11 | 3 |
