11 dekabr 2013 01:45
Pley-offa yüksələn daha 2 xoşbəxt klub bəlli oldu
UEFA Çempionlar Liqasının qrup mərhələsində sonuncu - 6-cı tura start verilib. Azerisport.az xəbər verir ki, ilk oyun günündə A, B, C, D qruplarında 8 matç baş tutub.
A qrupunda "Mançester Yunayted"in növbəti mərhələdə oynayacağı öncədən də bəlli idi. Mançester təmsilçisi 1/8 finala vəsiqə uğrunda mübarizə aparan "Şaxytor"u qəbul edib. Görüş meydan sahiblərinin minimal hesablı qələbəsi ilə başa çatıb. Qrupdan çıxmağa digər iddialı "Bayer" isə Avropa Liqasına getmək şansını da itirən "Real Sosyedad"ın qonağı olub. "Şaxtyor"un uduzmasından maksimum istifadə edən Almaniya klubu qələbə qazanaraq digər vəsiqəyə sahib çıxıb. İspanlar mübarizəni dayandırdığı halda "Şaxtyor" Avroliqanın pley-off mərhələsinə yollanmaq məcburiyyətində qalıb.
B qrupunda vəsiqəni və liderliyi öncədən təmin edən "Real" "Kopenhagen"in qonağı olub. Madrid klubu bu rəqibini də məğlub edərək Danimarka klubunun mübarizəni dayandırmasına səbəbkar olub. Günün digər oyununda isə qardaş Türkiyənin bu turnirdəki yeganə təmsilçisi "Qalatasaray" "Yuventus"u qəbul edib. "Sarı-qırmızılar"a qrupdan çıxmaq üçün yalnız qələbə lazım idi. İtaliya klubuna isə heç-heçə də sərf edirdi. Amma bu qarşılaşma İstanbula yağan güclü qar yağışı səbəbindən təxirə salınıb. Oyun bu gün qaldığı yerdən (33-cü dəqiqə) davam etdiriləcək.
C qrupunda da PSJ pley-offa vəsiqəni və ilk pilləni özü üçün təmin etmişdi. Paris klubu ikinci vəsiqəni qazanmaq istəyən "Benifka"nın qonağı olub. Pley-offa digər iddialı komanda - "Olimpiakos" da Avroliqaya getmək şansını itirən "Andrelext"i qəbul edib. Həm "Benfika", həm də "Olimpiakos" qrupdakı son oyununda qələbə qazanıb. Bu iki komandanın topladığı xallar da eyni olmasına baxmayaraq, qrupdan Yunanıstan klubu çıxıb. Portuqaliya təmsilçisi isə mübarizəni Avroliqada davam etdirməli olacaq.
D qrupunda hər iki vəsiqənin taleyi son tur ərəfəsində həll olunmuşdu. Belə ki, "Bavariya" və "Mançester Siti" artıq 1/8 finala çıxmışdı. Son turda yalnız Avropa Liqasına vəsiqənin sahibi müəyyənləşib. Bu yerə iddia edən "Viktoriya" əsas rəqibi ÇSKA üzərində qələbə qazanaraq, üçüncülüyü təmin edib. Digər oyunda isə "Bavariya" evində "Mançester Siti"yə məğlub olsa da, zirvədəki yerini qoruyub.
Son turun digər oyunları bu gün keçiriləcək.
Çempionlar Liqası
Qrup mərhələsi
10 dekabr
A qrupu
Mançester Yunayted (İngiltərə) - Şaxtyor (Ukrayna) - 1:0
Qol: Yones, 63.
Real Sosyedad (İspaniya) - Bayer (Almaniya) - 0:1
Qol: Ö.Toprak, 49.
| 1 | Mançester Yunayted | 6 | 4 | 2 | 0 | 12 | 3 | +9 | 14 |
| 2 | Bayer | 6 | 3 | 1 | 2 | 9 | 10 | –1 | 10 |
| 3 | Şaxtyor | 6 | 2 | 2 | 2 | 7 | 6 | +1 | 8 |
| 4 | Real Sosyedad | 6 | 0 | 1 | 5 | 1 | 10 | –9 | 1 |
B qrupu
Qalatasaray (Türkiyə) - Yuventus (İtaliya) matçı təxirə salınıb
Kopenhagen (Danimarka) - Real (İspaniya) - 0:2
Qollar: Modriç, 25, Ronaldo, 48.
| 1 | Real | 6 | 5 | 1 | 0 | 20 | 5 | +15 | 16 |
| 2 | Yuventus | 5 | 1 | 3 | 1 | 9 | 8 | +1 | 6 |
| 3 | Qalatasaray | 5 | 1 | 1 | 3 | 7 | 14 | –7 | 4 |
| 4 | Kopenhagen | 6 | 1 | 1 | 4 | 4 | 13 | –9 | 4 |
C qrupu
Benfika (Portuqaliya) - PSJ (Fransa) - 2:1
Qollar: Lima, 45-pen, Qaytan, 58 - Kavani, 37.
Olimpiakos (Yunanıstan) - Andrelext (Belçika) - 3:1
Qollar: Saviola, 4; 58, Dominqes, 90+3-pen - Klyestan, 39.
| 1 | PSJ | 6 | 4 | 1 | 1 | 16 | 5 | +11 | 13 |
| 2 | Olimpiakos | 6 | 3 | 1 | 2 | 10 | 8 | +2 | 10 |
| 3 | Benfika | 6 | 3 | 1 | 2 | 8 | 8 | 0 | 10 |
| 4 | Anderlext | 6 | 0 | 1 | 5 | 4 | 17 | –13 | 1 |
D qrupu
Viktoriya (Çexiya) - ÇSKA (Rusiya) - 1:1
Qollar: Kolar, 77 - Musa, 65.
Bavariya (İngiltərə) - Mançester Siti (İngiltərə) - 2:3
Qollar: Müller, 5, Qotse, 12 - D.Silva, 28, Kolarov, 59-pen, Milner, 62.
| 1 | Bavariya | 6 | 5 | 0 | 1 | 17 | 5 | +12 | 15 |
| 2 | Mançester Siti | 6 | 5 | 0 | 1 | 18 | 10 | +8 | 15 |
| 3 | Viktoriya | 6 | 1 | 0 | 5 | 6 | 17 | –11 | 3 |
| 4 | ÇSKA M | 6 | 1 | 0 | 5 | 8 | 17 | –9 | 3 |
