10 dekabr 2013 18:33
Yuri Syomin Azərbaycan yığmasının sükanı arxasında?
“Qəbələ”nin baş məşqçisi Yuri Syomin Azərbaycan yığmasının baş məşqçisi vəzifəsinə əsas namizədlərdəndir. Azerisport.az “İzvestiya” nəşrinə istinadən xəbər verir ki, AFFA yığmanın hazırkı baş məşqçisi postuna namizəd axtarışları nəzərdən keçirir.
“Məşqçinin müqaviləsi ilin sonunda başa çatır. Yığmanın sükanı arxasına namizədlərdən biri 66 yaşlı Yuri Syomindir. O, yerli futbolun incəliklərinə artıq varıb.
Syominin özü bu xəbəri şərh etməyib, ancaq bildirib ki, Azərbaycanda işləmək ona xoşdur: “Hazırda mən tamamilə “Qəbələ”dəki işimə köklənmişəm. Bizə çempionatın ən yüksək pilləsi uğrunda mübarizədə “Neftçi” və “Qarabağ”a qoşulmaq müyəssər olub. Ümumilikdə yerli çempionatın səviyyəsi qalxıb. İnfrastruktur nöqteyi-nəzərindən və maliyyə yatırımı baxımından futbol yaxşı səviyyədədir. Bura keyfiyyətli futbolçular və adlı-sanlı məşqçilər gəlir. Düşünürəm ki, Rusiya və Ukrayna birinciliklərindən sonra, Azərbaycan çempionatı keçmiş İttifaq miqtasında üçüncüdür”.
Məşqçinin rəsmi təmsilçisi Dmitri Selyuk hesab edir ki, Azərbaycan futbolunun rəhbərlərinin seçimi tamamilə haqlıdır: “Azərbaycan futbol federasiyasının Syominin namizədliyini baxışdan keçirməsində təəccüblü heç nə yoxdur. Syominə layiq olduğunu vermək lazımdır. O, həmişə yarış cədvəlinin aşağılarında mübarizə aparan “Qəbələ” ilə yaxşı nəticələr qazanmağa nail olub. Onun rəhbərliyi altında komanda, artıq çempionluğa namizəddir. Yuri Pavloviç “vurulmuş təyyarəçi” deyil, böyük hərflə məşqçi olduğunu artıq sübut edib. O, bir daha sübut edib ki, nəinki böyük imkanları olan adlı-sanlı klublar, hətta əvvəllər böyük uğurlara imza atmamış kiçik şəhər klubları ilə də işləyə bilər. Əminəm ki, yerli federasiyadan başqa, Syominin xidmətlərində klub rəhbərləri də maraq göstərməlidir. Biz istənilən halda bu variantı baxışdan keçirəcəyik. Ancaq düşünürəm ki, Syomin, klub futboluna üstünlük verəcək”.
