9 dekabr 2013 10:22
Rəşad Sadıqov: Yəqin, Mahir Şükürov zarafat edirdi
"Qarabağ"ın kapitanı Rəşad Sadıqov azerisport.az saytına müsahibəsində "Neftçi" ilə görüşdən, komandasının oyunundan və Mahir Şükürovla olan insidentdən danışıb.
-Oyundan razı qaldınızmı?
- Fikrimcə derbiyə yaraşan görüş oldu. Hər iki komanda yaxşı oynadı. Bu qələbə bizə lazım idi. Amma qazanılan qələbə heç nəyi həll etmir. Qarşıda çoxlu sayda oyunlar var. "Neftçi", "Qəbələ"dən çox uzaqlaşmaq olmur. İrəlidə 20-dən çox matç var. Sona qədər uğuru davam etdirmək lazımdı.
- Hakimliklə bağlı nə deyə bilərsən. Vüsal Əliyevin penalti təyin etməsi haqlı qərar idi?
- Oyundan əvvəl hakimə demişdim ki, kim güclüdürsə o da qalib gəlsin. İstəmirdim kiməsə simpatiya olsun. Kiçik səhvlər ola bilər. Amma nəticəyə təsir edən səhv yox idi. Penalti məsələsinə gəldikdə epizoddan uzaq idim. Fikrimcə orda qayda pozuntusu var idi.
- Matç zamanı Mahir Şükürovla insidentin oldu...
- Penalti epizodunda anlaşılmazlıq oldu. Namiq Yusifovu arxadan topa vurdular. Mahir bunu görmədi. Söz deyəndə başa düşmədi, amma sonradan hər şey həll olundu. Futboldur, anlaşılmazlıq ola bilər.
- "Qarabağ" üçün qış çempionluğu nə deməkdir...
- Biz qış çempionu deyilik. Qarşıda 2 çətin oyun var. "Bakı" ilə görüş çətin olacaq. Komandamız itkilərlə oynayacaq. Mən 4-cü sarı vərəqəni aldım və növbəti oyunu buraxıram. Hər oyunda itki ola bilər. Hələ qış çempionu olmamışıq. Digər tərəfdən, əsas sona qədər qələbə qazanmaqdır.
- Ola bilər Flavinyonun bağışlanması sizin komandaya əlavə motivasiya verdi?
- Flavinyonun bağışlanması bizə problem yaratmadı. Mən həmişə istəmişəm ki, güclü futbolçular derbidə oynasın. Flavinyoya qarşı oynamaq çətin olsa da, onun oynaması marağı artırır. Bizdə Almeyda, Reynaldonun olması yaxşı olur. Çünki, bu futbolçular komandanın oyununa təsir edir. Derbidə güclülərin meydanda olması azarkeşləri sevindirir.
- Mahir Şükürov yerli KİV-ə müsahibəsində deyib ki, benzinin qiymətinin qalxması ona təsir etmir. Yəni, lap 1 manatda olsa o benzini SOCAR-dan alır. Yığmanın kapitanı kimi nə deyə bilərsən bu barədə...
- Mahir zarafatcıl oğlandır. Tez-tez zarafat edir. Yəqin zarafat edib. Ciddi belə danışmaz. Futbolçulara benzin verilməyib. Hələ "Neftçi"də oynayanda bizə heç vaxt benzin verilməyib. Özüm də o komanda da oynamışam və belə söhbət olmayıb. Şükürov zarafat edib.
-Oyundan razı qaldınızmı?
- Fikrimcə derbiyə yaraşan görüş oldu. Hər iki komanda yaxşı oynadı. Bu qələbə bizə lazım idi. Amma qazanılan qələbə heç nəyi həll etmir. Qarşıda çoxlu sayda oyunlar var. "Neftçi", "Qəbələ"dən çox uzaqlaşmaq olmur. İrəlidə 20-dən çox matç var. Sona qədər uğuru davam etdirmək lazımdı.
- Hakimliklə bağlı nə deyə bilərsən. Vüsal Əliyevin penalti təyin etməsi haqlı qərar idi?
- Oyundan əvvəl hakimə demişdim ki, kim güclüdürsə o da qalib gəlsin. İstəmirdim kiməsə simpatiya olsun. Kiçik səhvlər ola bilər. Amma nəticəyə təsir edən səhv yox idi. Penalti məsələsinə gəldikdə epizoddan uzaq idim. Fikrimcə orda qayda pozuntusu var idi.
- Matç zamanı Mahir Şükürovla insidentin oldu...
- Penalti epizodunda anlaşılmazlıq oldu. Namiq Yusifovu arxadan topa vurdular. Mahir bunu görmədi. Söz deyəndə başa düşmədi, amma sonradan hər şey həll olundu. Futboldur, anlaşılmazlıq ola bilər.
- "Qarabağ" üçün qış çempionluğu nə deməkdir...
- Biz qış çempionu deyilik. Qarşıda 2 çətin oyun var. "Bakı" ilə görüş çətin olacaq. Komandamız itkilərlə oynayacaq. Mən 4-cü sarı vərəqəni aldım və növbəti oyunu buraxıram. Hər oyunda itki ola bilər. Hələ qış çempionu olmamışıq. Digər tərəfdən, əsas sona qədər qələbə qazanmaqdır.
- Ola bilər Flavinyonun bağışlanması sizin komandaya əlavə motivasiya verdi?
- Flavinyonun bağışlanması bizə problem yaratmadı. Mən həmişə istəmişəm ki, güclü futbolçular derbidə oynasın. Flavinyoya qarşı oynamaq çətin olsa da, onun oynaması marağı artırır. Bizdə Almeyda, Reynaldonun olması yaxşı olur. Çünki, bu futbolçular komandanın oyununa təsir edir. Derbidə güclülərin meydanda olması azarkeşləri sevindirir.
- Mahir Şükürov yerli KİV-ə müsahibəsində deyib ki, benzinin qiymətinin qalxması ona təsir etmir. Yəni, lap 1 manatda olsa o benzini SOCAR-dan alır. Yığmanın kapitanı kimi nə deyə bilərsən bu barədə...
- Mahir zarafatcıl oğlandır. Tez-tez zarafat edir. Yəqin zarafat edib. Ciddi belə danışmaz. Futbolçulara benzin verilməyib. Hələ "Neftçi"də oynayanda bizə heç vaxt benzin verilməyib. Özüm də o komanda da oynamışam və belə söhbət olmayıb. Şükürov zarafat edib.
