8 dekabr 2013 18:55
Vaqif Sadıqov: Komandamda heç kimi fərqləndirmək istəmirəm
Topaz Premyer Liqasının 16-cı turunda doğma meydanda “Rəvan”ı qəbul edən AZAL Şəhriyar Rəhimovun son dəqiqələrdə vurduğu iki qolla əzmkar qələbə qazandı (2:1) və qələbəsizlik seriyasına son qoydu. Azerisport.az xəbər verir ki, AZAL klubunun baş məşqçisi Vaqif Sadıqov bu münasibətlə oyunsonrası bunları söyləyib.
“Bu cür oyunlar istənilən çempionatın bəzəyi ola bilər. “Rəvan” artıq başqa komandadır, oyunun əvvəlkilərdən daha çətin olacağını bilirdik. Komanda sona kimi oynadı, istədiyimiz qolları son dəqiqələrdə vurduq. Hər iki komandanın kifayət qədər problemləri var, qış fasiləsində bunun üzərində işləmək lazımdır. Komandada heç kimi fərqləndirmək istəmirəm”.
