6 dekabr 2013 21:22
Yuri Syomin: Qəbələ Qarabağ - Neftçi oyununun nəticəsinə təsir göstərə bilməz
“Qəbələ”nin baş məşqçisi Yuri Syomin futbol üzrə Topaz Premyer Liqasının 16-cı turu çərçivəsində “Simurq”a qarşı keçiriləcək oyun barədə fikirlərini bildirib. Azerisport.az xəbər verir ki, Syomin bunları söyləyib:
“Heç bir itki yoxdur. Azərbaycan Kuboku uğrunda oyundan hazırlaşmışıq. Bütün vaxtı toplanışlardayıq. Gündə iki dəfə məşq edirik. “Simurq” çox çətin rəqibdir. Biz onların “Qarabağ”a qarşı oyununa baxmışıq. Rəqibimiz bu oyunu çox yaxşı keçirdi. Müdafiədə çox yaxşıdırlar. Biz onların müdafiəsini keçə bilərikmi? Bunu oyun göstərəcək. Öz meydanımızda xal itirmək istəməzdik. Yarış cədvəlində yüksəlmək istəyirik. Bunun üçün “Simurq”u məğlub etməliyik. “Qarabağ” - “Neftçi” oyunu barədə düşünmürük. Özü də niyə düşünməliyik? Onsuz da bu oyunun nəticəsinə təsir göstərə bilmərik. Necə oynayarlar, oynayarlar. Əsası, öz xallarımızı yığmaqdır”.
