5 dekabr 2013 12:12
Aleksandr Şemonayev: Hakimin qərarı oyunun nəticəsində əksini tapdı
AZAL-ın müdafiəçisi Aleksandr Şemonayev azerisport.az saytına müsahibəsində ölkə kubokunun 1/8 final görüşündə “Qarabağ”a məğlubiyyətdən (0:1) və bu oyunda meydandan qovulmasından danışıb.
- Bu mövsümün əvvəlki iki oyununda komandanız ağdamlılara qarşı yaxşı oynamışdı. Bu dəfə nə baş verdi?
Onları bir daha məğlub etmək istəyi vardı. Ancaq ikinci hissədə mənim meydandan qovulmağım nəticədə əksini tapdı. Belə rəqibə qarşı say azlığında oynamaq komanda yoldaşlarıma çətin idi.
- Qovulmağınız haqda nə deyə bilərsiniz?
- Heç bir vəziyyətdə sarı vərəqəyə layiq deyildim. Ancaq hakim əksini düşündü. Birinci halda məni aşkar yerə sərdilər. Ancaq hakimə elə gəldi ki, mən simulyasiya edirəm. İkinci epizoda gəlincə, mən Maksimi görmürdüm və onu bilərəkdən yıxmadım.
- Deməli, hakimin qərarı nəticədə əksini tapdı?
- Elədir ki, var.
- Adətən futbolçu özünü azca günahsız hiss edəndə, bunu hakimə bildirir. Ancaq siz sadəcə olaraq meydanı tərk etdiniz.
- Mən ona nə deməli idim? O göstərdiyini göstərdi və heç bir halda qərarını dəyişməzdi.
- Ancaq sizin oyununuz növbəti mərhələyə adlamaq üçün kifayət etmirdi. El təsəvvür yaranırdı ki, AZAL oyunu bir təhər penaltilər seriyasına daşımaq istəyir.
- Sizinlə razı deyiləm. Bizim şanslarımız vardı. Heç bir penalti seriyası gözləmirdik.
- Komanda ölkə kubokunu tərk etdi. Çempionatda yeddinci sıradasınız, liderlərdən böyük xal fərqi ilə geridəsiniz. Sonra nə olacaq?
- Bəli, biz liderlər qrupundan geri qalırıq. Ancaq bu, o demək deyil ki, mövsüm itirilib. Qarşıda “Rəvan”la oyun var. Onları məğlub edib qalxmaq və qələbələrə davam etmək istəyirik.
