4 dekabr 2013 11:22
Qəbələ FK: Hər şey Xəzər Lənkəranın nə qədər pul istəyəcəyindən asılıdır
Bu ilin sonunda “gəmiqayıranlar”ın müdafiəçisinin “radarlar”ın heyətində oynamasını nəzərdə tutan, “Qəbələ” və “Xəzər Lənkəran” arasında imzalanmış icarə razılaşması başa çatır. Azerisport.az xəbər verir ki, “Qəbələ” Elnur Allahverdiyevin xidmətində maraqlıdır və futbolçu da bu ittifaqı davam etdirmək arzusundadır.
Klub rəhbərlərinin bu ay görüşüb məsələdə razılığa gələcəyi ehtimal edilir.
Allahverdiyevin müqavilə müddətinin başa çatmasını nəzərə alsaq, “Xəzər Lənkəran” futbolçusunu satışa çıxarmaq istəyində ola bilər. “Qəbələ”nin baş meneceri Zaur Əzizovun bəyanatına görə, bu halda qarşı tərəfin nə qədər məbləğ istəyəcəyi əsas şərt olacaq.
