4 dekabr 2013 17:44
Şahin Diniyev: İlk qələbəyə şadam, ancaq iki qol buraxmağımız yaxşı olmadı
“Rəvan”ın baş məşqçisi Şahin Diniyev azerisport.az saytına müsahibəsində özünün ilk qələbəsi, dörddəbir finala vəsiqə və AZAL-a qarşı qarşıdakı oyundn danışıb.
- “Qaradağ Lökbatan” üzərində qələbə haqda nə deyə bilərsiniz?
- Nəticəyə baxmayaraq, oyun gərgin alındı. Anlaşıqlı heyəti olan təcrübəli komandaya qarşı oynayırdıq. Birinci divizion komandası olmasına rəğmən, bizə layiqli müqavimət göstərə bildilər.
- Buna rəğmən, siz oyuna yarıməvəzedici heyət buraxmışdınız.
- Qarşıda AZAL-a qarşı çətin oyun var. Bizə gücümüzü qorumaq lazımdır. Əsas heyətin altı futbolçusu bu oyunu buraxdı. Meydana çıxmış futbolçuların tapşırığı yerinə yetirə bilməsi fərəhlidir.
- Birinci divizion komandasından iki qol buraxmaq sizi narahat etmir?
- Nəzərə almaq lazımdır ki, meydana çıxmış heyət mütəmadi birgə oynayan heyət deyildi. İki qol buraxmağımız pis olsa da, beş qol vurmağımız, yaxşıdır. Ancaq bizədörddəbir finala yüksəlmək vacib idi.
- Dörddəbir finalda sizi “Bakı” gözləyir.
- Marta qədər vaxt çoxdur. Yaşayarıq, görərik.
- “Rəvan” üçün asan rəqib olmadığına ümumilikdə razısınız?
- Bu mərhələdə asan rəqib gözləmirdik. İndi ümumiyyətlə bu haqda düşünmürəm. İndi məni AZAL-la qarşıdakı oyun hər şeydən çox narahat edir. Bizi çətin oyun gözləyir. Deməzdim ki, taleyüklü oyundur, ancaq qələbə üçün əlimizdən gələni edəcəyik.
- Yeri gəlmişkən, “Qaradağ Lökbatan” üzərində qələbə, sizin üçün “Rəvan”ın sükanı arxasında ilk qələbədir.
- Buna çox şadam. Ancaq, premyer-liqada da qələbə qazanmaq istərdik. Ümid edirəm ki, artıq növbəti turda.
