4 dekabr 2013 17:05
“Neftçi” ilə oyundan qaynaqlanan yorğunluq hiss edilirdi"
Azərbaycan kuboku 1/8 final mərhələsinin oyunları çərçivəsində “Bakı” klubu “Sumqayıt” klubu ilə qarşılaşdı və Aqil Məmmədovun yetirmələrini 2:1 hesabı ilə məğlub edən paytaxt təmsilçiləri 1/4 final mərhələsində “Rəvan” klubu ilə qarşılaşacaq. Azerisport.az hər iki komandanın baş məşqçisinin oyunsonrası fikirlərini diqqətinizə çatdırır.
Aqil Məmmədov, “Sumqayıt” klubunun baş məşqçisi: “Çətin oyun oldu, komandadan narazi deyiləm. Çünki “Neftçi” ilə oyundan qaynaqlanan yorğunluq hiss edilirdi. Həmin oyunda bütün güclərini sərf etmişdilər”.
Milinko Pantiç, “Bakı” klubunun baş məşqçisi: “Çətin oyun olmasına baxmayaraq üstün tərəf biz idik. Oyunçularımdan razıyam, o zaman narazı olardım ki, hücum olmazdı, üstün oynamayaydılar. Ən azından arxayınam ki, qışdan sonra da oynayacağıq. Birinci qol onların səhvi olsa da, ikinci qolu yenə də vurduq. Qələbə münasibətilə komandamı təbrik edirəm”.
