3 dekabr 2013 16:44
Todorov Xəzər Lənkərana kömək edə bilməyəcək
Azərbaycan kubokunun 1/8 final mərhələsi çərçivəsində I divizion təmsilçisi “Neftçala” komandası ilə sabah, dekabrın 4-də qarşılaşacaq “Xəzər Lənkəran”, bu gün oyunöncəsi son məşqini keçirib. Azerisport xəbər verir ki, komandanın məşqi öncədən planlaşdırıldığı kimi, əsas meydançada deyil ehtiyat meydançada baş tutub.
Dünəndən tətbiq olunan yeni qaydalara uyğun olaraq, öncə stadionun paltardəyişmə otağına, oradan isə ehtiyat meydançaya yollanan futbolçular məşq zamanı həvəslə çalışıblar. 11:00-da başlayaraq bir saat sürən hazırlıq prosesi adi qaydada keçirilib və əvvəlki oyunöncəsi məşqlərdən heç nə ilə fərqlənməyib.
Qeyd edək ki, ötən mövsümün final matçındakı insidentdə iştirakına görə AFFA-nın intizam komitəsi tərəfindən 6 oyunluq cəzalandırılmış Rodomir Todorov sabahkı qarşılaşamda iştirak etməyəcək.
(12-ci oyunçu)
