2 dekabr 2013 19:07
AFFA Azercell ilə yeni müqavilə imzalamayacaq
AFFA "Azercell" şirkəti ilə işbirliyinə son qoyub. Azerisport.az xəbər verir ki, bu barədə AFFA-nın yaydığı press-relizdə məlumat verilib:
"Azərbaycan Futbol Federasiyaları Assosiasiyası 2009-cu ildən etibarən ölkəmizdə fəaliyyət göstərən ən nüfuzlu təşkilatlardan biri olan "Azercell" şirkəti ilə çox səmərəli əməkdaşlıq edib. Bu əməkdaşlıq çərçivəsində çoxsaylı uğurlu layihələr hazırlanıb, müxtəlif tədbirlər müvəffəqiyyətlə həyata keçirilib. Ötən müddət ərzində "Azercell" Azərbaycanda futbolun inkişafına öz töhfəsini verib, qarşlıqlı olaraq AFFA-nın təşkil etdiyi yerli və beynəlxaq tədbirlərdə, Azərbaycan milli komandasının ölkə ərazisində və xaricdə keçirdiyi beynəlxalq oyunlarda Azercell şirkəti uğurla reklam olunub. 2009-cu ildən başlayaraq AFFA-nın U-17 Liqası "Azercell U-17 Liqa" adı ilə keçirilib.
"Azərbaycan Futbol Federasiyaları Assosiasiyası 2009-cu ildən etibarən ölkəmizdə fəaliyyət göstərən ən nüfuzlu təşkilatlardan biri olan "Azercell" şirkəti ilə çox səmərəli əməkdaşlıq edib. Bu əməkdaşlıq çərçivəsində çoxsaylı uğurlu layihələr hazırlanıb, müxtəlif tədbirlər müvəffəqiyyətlə həyata keçirilib. Ötən müddət ərzində "Azercell" Azərbaycanda futbolun inkişafına öz töhfəsini verib, qarşlıqlı olaraq AFFA-nın təşkil etdiyi yerli və beynəlxaq tədbirlərdə, Azərbaycan milli komandasının ölkə ərazisində və xaricdə keçirdiyi beynəlxalq oyunlarda Azercell şirkəti uğurla reklam olunub. 2009-cu ildən başlayaraq AFFA-nın U-17 Liqası "Azercell U-17 Liqa" adı ilə keçirilib.
AFFA-nın sponsor siyasətində dəyişiklik edildiyi, "Azercell"ə müqavilənin vaxtı başa çatdığı və digər GSM şirkətlərindən daha sərfəli təkliflər irəli sürüldüyü üçün AFFA və "Azercell" şirkətinin əməkdaşlıqla bağlı müqavilə uzadılmayacaq.
Azərbaycan Futbol Federasiyaları Assosiasiyası "Azercell" şirkətinə minnətdarlığını bildirir, daha böyük uğurlar qazanmağını arzulayır.
AFFA-nın yaxın vaxtlarda yeni bir partnyorla müqavilə imzalaması nəzərdə tutulub".
