30 noyabr 2013 19:47
Melkiorre: Bundan istifadə edə bilmədik
"Xəzər Lənkəran"ın məşqçisi Covanni Melkiorre Topaz Premyer Liqasının 15-ci turu çərçivəsində qarşılaşdıqları AZAL-la oyunu şərh edib. Azerisport.az xəbər verir ki, "ağ-yaşıllar"ın çalışdırıcısı 1:1 hesabıyla başa çatan görüşdən sonra bunları söyləyib:
“Yaxşı oyun oldu. Ötürmələrdə, topa sahib olmada yaxşı idik. Amma çox zaman hücumları məntiqi sonluqla bitirə bilmirdik. AZAL müdafiəyə meylli, qapalı futbol oynayırdı. Oyunumuzu daha çox cinahlardan qurmalı idik. Bundan istifadə edə bilmədik. Rəqib 1 xal üçün gəlmşdi, buna da nail oldu. Bakılılar müdafiədə boşluq vermədi”.
