29 noyabr 2013 00:26
Ruslan Abışovsuz Rubindən heç-heçə
UEFA Avropa Liqasında qrup mərhələsinin 5-ci turunun oyunları keçirilib. Azerisport.az xəbər verir ki, futbol üzrə Azərbaycan millisinin müdafiəçisi Ruslan Abışovun şərəfini qoruduğu Rusiyanın “Rubin” klubu da növbəti matçına çıxıb.
Həmyerlimizin komandası Sloveniyanın "Maribor” komandasını qəbul edib. Qarşılaşma sülhlə bitib.
Son oyunlarda meydana çıxmaq şansı qazanmayan Ruslanın Avroliqa matçında forma geyib-geyməyəcəyi maraqla gözlənilirdi. Təəssüf ki, o, bu görüşün də iştirak ərizəsinə salınmayıb.
Qeyd edək ki, "Rubin" hazırda öz yarımqrupunda 11 xalla birinci yerdə gedir. Abışovun komandası ötən turdan Avroliqanın pley-off mərhələsinə vəsiqəni təmin edib.
Avropa Liqası
Qrup mərhələsi
D qrupu
28 noyabr
Rubin - Maribor - 1:1
