29 noyabr 2013 18:18
UEFA Sərhədçiyə üstünlük verdi
UEFA təmsilçiləri futzal üzrə UEFA Kubokunun Dördlər finalını keçirmək üçün baxış keçirdikləri “Sərhədçi” idman-konsert kompleksindən razı qalıblar. Azersiport.az xəbər verir ki, nümayəndələr həm də “Crystal Hall” kompleksinə də baş çəkiblər.
Ancaq rəyasət heyətinin fikrincə, “Crystal Hall” futzal görüşlərinin keçirilməsi üçün nisbətən böyükdür. Tribunaların meydandan uzaqlığı həlledici amil kimi qabardılıb. Bu, üstünlüyün “Sərhədçi” kompleksinə verilməsində əsas məqam olub.
“Sərhədçi”nin tamaşaçı tutumunun standartlardan azca geri qalmasına rəğmən, UEFA nümayəndələri kompleksi əlavə oturacaqlarla təmin etmək məsləhətini verib. Müvafiq yarışların keçirilməsi üçün kompleksin infrastrukturundan çox razı qalan rəyasət heyəti, futzal komitəsinə təqdim etmək üçün bir neçə fotoşəkil çəkib.
“Mən hesab edirəm ki, bizim şanslarımız kifayət qədər böyükdür”, deyə milli futzal federasiyasının rəhbəri Zaur Axundov azerisport.az müxbirinə bildirib. “Biz bu yarışı yüksək səviyyədə keçirə bilərik. Düzdür, iki il qabaq final mərhələsini qəbul etmiş Barselona qismində ciddi rəqiblərimiz var. Almatıda həlledici görüşlər üç il qabaq keçirilib”.
Xatırladaq ki, futzal üzrə UEFA Kubokunun Dördlər finalını keçiriləcəyi yer haqda yekun qərar dekabrın 12-də qəbul ediləcək. Dördlər finalında Azərbaycan təmsilçisi “Araz”ın rəqibləri “Barselona” (İspaniya), Kayrat (Qazaxıstan) və “Dinamo” (Moskva, Rusiya) olacaq. Görüşlər isə 2014-cü ilin aprel ayında baş tutacaq.
