28 noyabr 2013 16:33
Arif İsayev: Dənizlispor qarşısında şərt qoydum
Azərbaycan yığmasının və “Dənizlispor”un keçmiş yarımmüdafiəçisi Arif İsayev azerisport.az saytına müsahibəsində komandasını tərk etməsi və müalicəsi haqda danışıb.
- Klub aldığınız ağır zədədən sonra sizinlə vidalaşmaq qərarına gəldi.
- Yox, əslində hər şey fərqlidir. Zədəmin müalicəsi növbəti ilin yayına qədər uzanacaq. Orada qalmaqda lüzum görmürəm. Klub rəhbərliyi ilə görüşüb məni azad etmələrini xahiş etdim.
- Və onlar sizi sadəcə belə buraxdılar?
- Bəs onlara nə etmək qalırdı? Onsuz da bu mövsüm onlara kömək edə bilməyəcək idim. Evdə müalicəm yaxşıdır.
- Bəs maliyyə tərəfi barədə necə razılığa gəldiniz?
- Onlar mənə müqavilə üzrə mənə çatacaq məbləğin yarısını verdilər. Sonra müqaviləyə qarşılıqlı xitam verib sülhlə ayrıldıq. Qeyd edim ki, buna mən yan aldım. Klub mənimlə müqaviləni pozmağa hazırlaşmırdı və edə də bilməzdi. Çünki, müqavilə mövsümün sonun qədər nəzərdə tutulmuşdu.
- Klubda futbolçulara əməkhaqqının beş aydır verilmədiyini nəzərə alsaq, onlardan pul almağa necə müyəssər oldunuz?
- Gedişimin səbəblərindən biri bu oldu. Artıq konkret maliyyə çətinlikləri yaşayırdım. Mən onlar qarşısında şərt qoydum ki, mənə düşən məbləğin ödəniləcəyi təqdirdə getməyə hazıram. Axı ola bilər ki, qışda daha bir azərbaycanlını dəvət etsinlər. Beləliklə mən, onlara yeni kvota açıram.
- Onlar sizə nə qədər ödəniş edib?
- Təqvim ilinin sonuna qədər almalı olduğum məbləğin 80%-ni mənə veriblər.
- “Dənizlispor”la birdəfəlik ayrıldınız?
- Onlar mənə dedilər ki, gələn il mənimlə yenidən əməkdaşlıq etməkdən imtina etməzlər. Yusuf Şimşek dedi ki, məni komandada görmək istəyir.
- Müalicəniz necə keçir?
- Həkimlər cərrahiyyə əməliyyatına tələsməməyi məsləhət görüblər. Hələlik iynə-dərmanla müalicə alacağam.
