28 noyabr 2013 15:22
Arif Əsədov: Komandamız Ermənistan yığmasını udmalıdır
Futbol üzrə gənclərdən ibarət (U-19) Azərbaycan yığmasının keçmiş baş məşqçisi Arif Əsədov, Avropa çempionatının birinci təsnifat mərhələsinin püşkü haqda fikirlərini bildirib. Azerisport.az xəbər verir ki, mütəxəssis bunları söyləyib.
“Hazırda komandanı Nikolay Adam çalışdırır. O, hazırlığı daha yaxşı bilər. Adam bu yeniyetmələrlə U-17-də işləyib. Bu komanda haqda heç nə bilmədiyimdən, heç nə deyə bilmərəm. Əminliklə deyə bilərəm ki, uşaqlar indi psixoloji gərginlik içindədir. Toplanışlarda və Qranatkinin xatirəsinə həsr edilmiş yarışda bunun üstündə işləmək lazımdır. Təbii ki, komanda qarşısında qrupdan çıxmaq məqsədi qoymalıdır. Bu da vacib məqamdır ki, komandamız Ermənistan yığmasını udmalıdır”.
Xatırladaq ki, yeniyetmələrimiz qrupda Slovakiya, Macarıstan və Ermənistan komandaları ilə birgə yer alıb.
