27 noyabr 2013 18:00
Lukas Mario Horvat: Bakı İnterin nəyə qadir olduğunu bilir
“Bakı”nın yarımmüdafiəçisi Lukas Mario Horvat azerisport.az saytının suallarını cavablayıb.
- “Xəzər Lənkəran”a darmadağın etməyiniz “Bakı”ya yarış cədvəlində yüksəlmək imkanı verdi, rəqib isə baş məşqçisiz qaldı.
- Biz bu qələbəyə çox şad olduq. Oyunda bütün tapşırıqları yerinə yetirdik və arzulanan nəticəyə nail olduq.
- Demək olarmı ki, siz ilk dövrədə Lənkərandakı 1:2 məğlubiyyətin əvəzini çıxdınız?
- Düşünmürəm ki, belə demək olar. Biz istənilən rəqibə qarşı bir arzu - qələbə qazanmaq istəyi ilə oynayırıq. Hər məğlubiyyətə görə revanş almaq olmaz axı. Onda bu, futbol olmaz.
- Ancaq fasiləyə qədər siz rəqibin qaşına yol tapa bilmədiniz.
- Bizim qol vəziyyətlərimiz vardı. Ancaq reallaşdıra bilmirdik.
- Aydın görünürdü ki, komandanıza yekun zərbə çatışmır. Bu, nə ilə bağlıdır?
- Bəli, bu, belədir. Ancaq ən əsası, ikinci hisssədə biz səhvimizi düzəldib üç qol vurduq.
- Pantiç sizi oyun qurucusu kimi oynadır. “Bakı”nın bütün hücumları sizdən keçir. Ancaq ötən mövsüm siz başqa rolda idiniz.
Pantiçin məni qoyduğu mövqedə özümü rahat hiss edirəm. Burada mən öz istədiyim oyunu göstərə bilirəm. Ancaq hansı mövqedə oynamağımdan asılı olmayaraq, ilk növbədə komandanın uğuru əsasdır.
- Qarşıdakı rəqib “Neftçi” ilə yaxşı statistikası olmamasına rəğmən onları məğlub edə edə bildi.
- Biz “İnter”in nəyə qadir olduğunu gördük. Bu komanda həmişə yüksək yerlər üçün mübarizə aparır. Biz öz növbəmizdə bu oyuna yaxşı hazırlaşmağa çalışacağıq.
- Hesab edirsiniz ki, qələbə seriyasını davam edib “bankirlər”i məğlub edə biləcəksiniz?
- Onlar yaxşı, güclü komanda olduğunu göstərilər. Ancaq biz öz məqsədimizə can atmalı və qələbə qazanmalıyıq.
