26 noyabr 2013 14:22
Aqil Nəbiyev: Qarabağ Azərbaycanın ən yaxşı komandasıdır
“Rəvan”ın müdafiəçisi Aqil Nəbiyev azerisport.az saytına müsahibəsində futbol üzrə Topaz Premyer liqasının 14-cü turu çərçivəsində “Qarabağ”a qarşı keçirilmiş oyun (0:0) və komandasının gələcək perspektivləri barədə danışıb.
- “Qarabağ”la oyun barədə nə deyə bilərsiniz?
- Maraqlı və gərgin oyun alındı. “Qarabağ” Azərbaycanın ən yaxşı komandasıdır. Rəqib fəal hücum edəndə bizə çox çətin idi. Biz ev oyunlarımızı süni örtüklü meydanda keçiririk və hər dəfə təbii meydana keçmək bizə çətindir. Çətinliklərə baxmayaraq biz sona qədər mübarizə apardıq və bir xal əldə etdik.
- Ümumiyyətlə, komandanız rəqib qapısına zərbə endirdi?
- Birinci hissədə Miloş Adamoviç qapıya zərbə endirdi. Belə isə, bizim doğrudan da az qol vəziyyətlərimiz vardı.
- Deməli, “Rəvan” ancaq heç-heçəyə oynayırdı?
- Müdafiəçi kimi harada oynamağımdan asılı olmayaraq, ilk növbədə istəyirəm ki, komandam qol buraxmasın. Bir xal bizi tam qane edir.
- Heç-heçələrə belə meylliklə komanda nəticədə ən yaxşı halda doqquzuncu yeri tutacaq.
- Hələ çempionatda kimin hansı pilləni tutacağı məlum deyil. Qışda biz güclənəcəyik.
- “Rəvan”a nəyi gücləndirmək lazımdır?
- Bizim hücum xəttində çatışmazlıqlarımız var. Bu problemi ilk növbədə aradan qaldırmaq lazımdır.
- Ümumiyyətlə, bu mövsümdə “Rəvan” nə uğrunda mübarizə aparacaq? Premyer-liqadan avrokuboklara çıxmaq çətin ki mümkün olsun.
- Çempionat hələ başa çatmayıb. İndi nə uğrunda mübarizə aparacağımızı demək çətindir. Yarış cədvəlində tədricən yüksəyə qalxmaq üçün, hər oyunda xallar qazanmaq lazımdır.
