Dənizli Azərbaycana gəlir
"Xəzər Lənkəran" Azərbaycanın ən imkanlı klublarından biridi. İllik büdcəsi milyonlarla ölçülür. Amma komanda uğursuzluqdan çıxa bilmir. Hətta Con Benjamen Toşak da Lənkəran komandasına kömək edə bilmədi. Nəticədə Toşak istefaya göndərildi. İndi onun yerini Mustafa Dənizli tuta bilər. Klubun sahibi, Türkiyədə böyük layihələr icra edən Mübariz Mənsimovdu. Milyarder Mənsimov artıq Dənizliylə görüşüb planlarını açıqlayıb. Məşqçidən yanvarda güclü transferlər edilməsi və komandanı uğurlara daşınması tələb olunub. Mustafa Dənizli 1 gün sonra klubun Bakıdan gələn rəsmisiylə görüşüb müqavilə detallarını müzakirə edib. Hazırda məşqçi son qərarını açıqlamayıb. Lakin onun Azərbaycana gedəcəyi gözlənilir. Mübariz Mənsimov məşqçiyə tələsməməyi, Lənkərana səfər edib şəraitlə tanış olmağı məsləhət görüb. Mustafa Dənizli bu gün Bakıya, oradan isə Lənkərada gedəcək. İmkan daxilində komandanın oyununu izləyəcək".
Mustafa Dənizli "Xəzər Lənkəran"ın iki oyununu izləyib və artıq müəyyən məlumata malikdi. TRT-yə açıqlamasında daha 2 təklifin olduğunu deyən Mustafa bəy hələlik son qərarı açıqlamadığını bildirib: "Mübariz Mənsimov ünlü bir iş adamıdı. O, komandasının çempion olmasını istəyir. Azərbaycan çempionatı asan turnir deyil. Sizə elə gəlməsin ki, Azərbaycanda futbol zəifdi. Sadəcə, xaricdə çalışdığım üçün mənim müəyyən təcrübəm var. O, mənada Azərbaycanda çalışmağım mümkündü. Son qərar yaxın günlərdə verəcəm".
Mübariz Mənsimovla görüşdən sonra digər klub rəsmisi Mustafa Dənizliyə 2 illik müqavilə təklif edib. Üstəlik bütün transfer çalışmalarını məşqçi həll edəcək. Maddi cəhətdən heç bir problem olmayacağı bildirilib. İlkin şərtlər Dənizlini razı salıb. Onun həftəsonuna qədər müqaviləyə imza atacağı deyilir. Azərbaycanda çoxlu sayda türk məşqçilər çalışıb. Rasim Kara, Bülənt Qorxmaz, Mehmet Ak və sair. Amma uğur qazanan çox azdı. Yalnız Rasim Kara "Xəzər Lənkəran"la avrokuboklara vəsiqə qazanmağa bacarıb".
Qeyd edək ki, mütəxəssis məşqçi karyerasına "Qalatasaray"da başlayıb. Sonrakı illərdə vətənində "Kocaelispor", "Fənərbaxça", "Manisaspor", "Beşiktaş", Almaniyada "Aalen", İranda PAS və "Persopolis" klublarını, Türkiyə yığmasını çalışdıran Dənizlinin sonuncu klubu "Çaykur Rizəspor" olub.
