25 noyabr 2013 16:55
Buranello: Dördlər finalına sadəcə hazırlaşmaq lazımdır
“Araz”ın qapıçısı Buranello azerisport.az saytına müsahibəsində futzal üzrə UEFA kubokunun elit raundu çərçivəsində “Sportinq” üzərində qələbə (6:3) və Dördlər finalı haqda danışıb.
- Qələbədən sonra özünüzü necə hiss edirsiniz?
Bi çətin tapşırığın öhdəsindən gəldik. Komanda çox yaxşı oynadı. Oyunun sonuna qədər özümüzü itirmədik. Bütün fikir və diqqətimizi qələbəyə cəmləşdirdik. Hücum və qollar vardı. Nəticədə istədiyimizi qazandıq.
- Joze Alesio tərəfindən seçilmiş taktika nə dərəcədə kömək oldu?
- O, düzgün taktika seçmişdi. Çünki rəqibin heyətində sürətli futbolçular vardı. Nəticə məşqçinin haqlı olduğunu göstərdi. Düzü, onun tələblərini yerinə yetirmək çətin deyildi.
- Üç oyunda siz altı qol buraxdınız. Çox səhviniz vardı?
Məncə bu, normal göstəricidir. Əlbəttə, daha yaxşı ola bilərdi. Ancaq rəqiblərimizin gücünü nəzərə alsaq, nəticə tam məqbuldur. Səhvlərə gəlincə, bunu baş məşqçi və oyunu izləyənlərdən soruşmaq lazımdır. Mən komandaya kömək barədə düşünürdüm.
- Dördlər finalında “Araz”ı “Barselona”, “Kayrat”, “Dinamo” gözləyir. Onlarla mübarizə aparmaq mümkün olacaq?
Hamısı güclü komandalardır. Ancaq futzalda oyunun necə bitəcəyini bilmək olmur. Tapmaca ilə nə isə demək olmaz. Sadəcə hazırlaşmaq lazımdır.
- İndi Azərbaycan çempionatı çərçivəsində sizi “Fənərbaxça”ya qarşı çox çətin oyun gözləyir.
- Oyun çox gərgin olacaq. Onlar da çempion olmaq istəyir. Heyətlərində güclü futbolçular var: dörd serb, bir neçə yığma oyunçusu. Biz isə titulumuzu qorumaq istəyirik.
