24 noyabr 2013 22:37
Araz Dördlər finalında! (YENİLƏNİB)
Bu gün Lissabonda futzal üzrə UEFA Kubokunun elit mərhələsinin D qrupunun oyunlarına yekun vurulub. Azerisport.az xəbər verir ki, bu mərhələdə Azərbaycan çempionu “Araz” da Dördlər finalına vəsiqə uğrunda mübarizə aparırdı.
Təmsilçimiz son oyununda prinsipial rəqibi - qrup matçlarına ev sahibliyi edən Portuqaliya "Sportinq"i ilə üz-üzə gəlib.
Xatırladaq ki, "Araz" ilk oyununda Hollandiya “Eyndhoven”i ilə qarşılaşmışdı və 6:3 hesablı qələbəyə sevinmişdi. Macarıstan "Qyor"u ilə qarşılaşma da "Araz" üçün uğurlu olmuşdu - 5:0. “Sportinq” isə bu komandaların hər ikisinə eyni hesabla (6:1) qalib gəlmişdi. Bu üzdən də son oyun ərəfəsində qrup lideri məhz Portuqaliya çempionu idi. Azərbaycan çempionunu Dördlər finalına çıxmaq üçün yalnız qələbə qane etdiyi halda, "Sportinq" heç-heçə ilə də buna nail ola bilərdi.
Lakin "Araz" daha inamlı çıxış edərək, əsas rəqibinə də qalib gəlib və yüzfaizli nəticə ilə adını Dördlər finalına yazdırıb.
Qeyd edək ki, nizamnaməyə əsasən Dördlər finalına yalnız qrup qalibləri vəsiqə qazanır.
Qrupun digər oyununda "Qyor" "Eyndhoven"lə üz-üzə gəlib. Bu görüşdə isə Macarıstan çempionu darmadağınla qalib gəlib və qrup üçüncüsü olub.
UEFA Kuboku, Elit mərhələ
D qrupu
24 noyabr
EYNDHOVEN - QYOR - 2:7
ARAZ - SPORTİNQ - 6:3 (2:1)
Qollar: Fabiano, 11 (1:0), Divanei, 11 (1:1), V.Borisov, 13 (2:1), Amadeu, 21 (3:1), Deo, 22 (3:2), Felipe, 25 (4:2), Aleks, 35 (4:3), Fabiano, 37 (5:3), Fabiano, 39 (6:3).
ARAZ: 1. Buranello, 2. Marko Periç, 18. Auqusto, 11. Davi, 14. Vitali Borisov (k).
Ehtiyat oyunçular: 19. Elnur Zamanov, 3. Fabiano, 5. Felipe, 6. Edu, 10. Biro Jade, 13. Qəmbərov, 15. Rafael, 4. Serjao, 9. Amadeu.
SPORTİNQ: 1. Joao Benedito (k), 2. Paulinyo, 6. Pedro Keri, 8. Divanei, 20. Aleks.
Ehtiyat oyunçular: 16. Kristiano, 15. Qonsalo, 4. Marselinyo, 7. Djo, 9. Joao Matoş, 10. Deo, 11. Kayo, 14. Kastro, 13. Andre.
|
1. Araz
|
3
|
3
|
0
|
0
|
17-6
|
11
|
9
|
|
2. Sportinq
|
3
|
2
|
0
|
1
|
15-8
|
7
|
6
|
|
3. Qyor
|
3
|
1
|
0
|
2
|
8-13
|
-5
|
3
|
|
4. Eyndhoven
|
3
|
0
|
0
|
3
|
6-19
|
-13
|
0
|
