24 noyabr 2013 14:32
Məmmədov: Qış fasiləsinə yaxşı əhval-ruhiyyədə yollanmaq istəyirik
"Bakı"nın yarımmüdafiəçisi Elvin Məmmədov Topaz Premyer Liqasının 14-cü turu çərçivəsində keçirilmiş "Xəzər Lənkəran" ilə oyunu şərh edib. Azerisport.az saytına müsahbəsində o, 3:0 hesablı qələbə ilə bağlı öncə bunları dilə gətirib:
"Biz çox vacib və lazımlı bir qələbə qazandıq. Bütün komandanı bu münasibətlə təbrik edirəm. Futbolçularımız müsbət nəticəyə nail olmaq üçün sona kimi mübarizə apardılar. Çətin olsa da, istəyimizə nail olduq".
"Biz çox vacib və lazımlı bir qələbə qazandıq. Bütün komandanı bu münasibətlə təbrik edirəm. Futbolçularımız müsbət nəticəyə nail olmaq üçün sona kimi mübarizə apardılar. Çətin olsa da, istəyimizə nail olduq".
Məmmədov ilk dövrədə Lənkəranda qeydə alınan məğlubiyyəti yada salıb. Hansı ki, həmin görüşdə hesabı "Bakı" açsa da, sonda 1:2 hesabı ilə məğlub olmuşdu: "Əlbəttə, komandada revanş hissi var idi. Amma hər şeydən önəmli olan üç xalı qazanmaq idi. Turnir cədvəlindəki vəziyyətimizi daha da yaxşılaşdırmaq istəyirik. Bu mənada "Xəzər Lənkəran"la görüşdə xal itkisi planlarımıza daxil deyildi. Əks halda rəqiblərimiz bizi qabaqlaya bilərdilər".
Lakin yarımmüdafiəçi komandasının ifasında hər şeyin onlar istəyən kimi getmədiyini də etiraf edib: "Bizim qol vurmaq üçün çox şanslarımız oldu. Amma onlardan yaxşı yararlana bilmədik. Xüsusilə də birinci hissədə. Həm də rəqib komanda müdafiədə çox yaxşı təsir bağışlayırdı. Amma ikinci hissədə hər şeyi öz xeyrimizə dəyişə bildik".
Məmmədov qarşıdakı turlarda daha da irəliləmək istədiklərini bildirib: "İkinci dövrənin sonuna cəmi 4 tur qalıb. Ona görə liderlərlə xal fərqini azaltmaq üçün qalan görüşlərimizi qələbə ilə başa vurmalıyıq. Qış fasiləsinə yaxşı əhval-ruhiyyədə yollanmaq istəyirik".
