24 noyabr 2013 20:35
Türkiyədə Azərbaycan derbisi sülhlə bitdi (YENİLƏNİB)
Futbol üzrə Türkiyə PTT Birinci Liqasında 14-cü turun oyunları keçirilib. Azerisport.az xəbər verir ki, azərbaycanlı qapıçı Davud Kəriminin komandası “Fəthiyəspor” bu tur Andrey Popoviçlə Usim Ndukanın çıxış etdiyi "Tavşanlı Linyitspor"la üz-üzə gəlib.
Qarşılaşmada 4 qol vurulsa da, tərəflər hərəyə 1 xalla kifayətləniblər.
Futbolçularımızın bu oyunda meydana çıxıb-çıxmayacaqları maraqla gözlənilirdi. Təəssüf ki, Popoviç ümumiyyətlə matçın iştirak ərizəsinə salınmayıb. Davud Kərimi ehtiyatda qalıb. Nduka isə start heyətdə çıxdığı oyunda sona kimi mübarizə aparıb. O, 72-ci dəqiqədə sarı vərəqə almaqla da yadda qalıb.
Qeyd edək ki, “Tavşanlı Linyitspor” geridə qalan turlarda 9 xal toplayıb və hazırda turnir cədvəlinin 17-ci pilləsində qərarlaşıb. “Fethiyespor” isə 6 xalla sonuncu - 19-cudu.
Türkiyə PTT Birinci Liqası
14-cü tur
24 noyabr
Fəthiyəspor - Tavşanlı Linyitspor - 2:2
