22 noyabr 2013 11:11
Felipe: Biz kimin güclü olduğunu ikinci hissədə göstərdik
Futzal klubu “Araz”ın oyunçusu Felipe Santos azerisport.az saytına müsahibəsində futzal üzrə UEFA kubokunun elit raundu çərçivəsində “Eyndhoven” üzərində qələbədən (6:3) danışıb.
- Start qələbəsi haqda nə fikirdəsiniz?
- Bu, bizim üçün çox vacib oyun idi. Adətən start komandalar üçün asan olmur, həyəcan olur. Ancaq oyun başlayan kii hər şey unudulur. Biz qarşımızda hollandları məğlub etmək məqsədi qoyduq, buna nail olduq. İndi növbətioyuna arxayın köklənmək olar. Bizim kifayət qədər təcrübəli oyunçularımız var.
- Yaxşı başlanğıca baxmayaraq, biz ardıcıl iki qol buraxdıq. Bu, arxayınlığın nəticəsi idi?
- Futzalda hər şey sürətlə baş verir. Rəqib hesabı bərabərləşdirənə qədər, biz öz üstünlüyümüzü artırmaq üçün çoxlu imkan tapmışdıq. Bunun əvəzində biz vəziyyətləri reallaşdıra bilməyib səhv buraxdıq. Öz diqqətsizliyimizə görə də cəzalandıq.
- Fasilədə nə haqda danışırdınız?
- Fasiləyə bərabər hesabla yollandıq. Bu, bizim xeyrimizə oldu. Rəqibə iki qol hədiyyə etdiyimiz qərarına gəldik. Buna görə də ikinci hissdə kimin güclü olduğunu sübut etməkdən başqa yolumuz yox idi.
- Buna baxmayaraq, baş məşqçi Joze Alesio oyundan narazı qaldı.
- Bayaq qeyd etdi ki, start oyunlarında həmişə gərginlik, həyəcan, əsəb olur. Nəticədə səhvlər baş verir. Bizim üçün qələbə əsas idi və biz tapşırığı yerinə yetirdik. İkinci oyunda biz öz oyun keyfiyyətimizi fərqli dərəcədə artıracağıq.
- Qarşıdakı rəqiblə oyun haqda nə deyə bilərsiniz?
- Macarıstan çempionu yaxşı komandadır. Heyətində 4-5 ispan, bir portuqal var. Allahın köməyi ilə onları udarıq.
- “Araz”ın dördlər finalına düşmək şanslarını necə qiymətləndirirsiniz?
- Biz Lissabona bunun üçün gəlmişik. Həlledici oyunlara düşmək istəyirik. Hər oyun bizim üçün şansdır. Əlbəttə, çətin olacaq. Xüsusən “Sportinq”ə qarşı son oyunda. Onlar doğma meydanda oynayacaq.
