22 noyabr 2013 17:11
Aslan Kərimov: Berti Foqts 18 dəqiqədən narazı qaldı
Futbol üzrə Azərbaycan yığmasının məşqçisi Aslan Kərimov azerisport.az saytının suallarını cavablayıb.
- Estoniya (1:2) və Qırğızıstan (0:0) yığmalarına qarşı oyunların nəticələri haqda nə deyə bilərsiniz?
- Baxır buna hansı tərəfdən yanaşsaq. Məqsəd müəyyən müddət görmədiyimiz oyunçuları iş başında bir daha yoxlamaq idi. Nəticələrə baxmayaraq, düşünürəm ki, məqsədə çatdıq. Bişkekdəki oyun haqda xüsusi heç nə demək olmaz. Belə şəraitdə oynamaq futbolçular üçün çox çətindir.
- Berti Foqts nədən narazı qaldı?
- İlk oyunda Foqts komandanın 18-20 dəqiqə öz səviyyəsində oynamamağından narazı idi. Tallindəki oyun məhz bu müddətdə uduzuldu. Burada isə öz oyunumuzu tam göstərə bilmədik. Buna rəğmən son 15 dəqiqədə oynadıq. Bir sözlə, tapşırığımız qələbə deyil, yoxlama idi.
- Əvəzində azarkeşlər Azərbaycan yığmasının nəticələrindən narazıdırlar.
- Mən onları başa düşürəm. Onlar özlüyündə haqlıdır. Onlar üçün kimin necə oynamağı vacib deyil. Əsas nəticə və qələbədir. Ancaq məşqçi üçün başqa məqamlar vacibdir. Məsələn, kim hansı xasiyyətdədir və kim çətin vəziyyətlərdə oynaya bilər. Kim bilir, bəlkə gələcəkdə Bişkekdəki qazon kimi qazona çıxmalı olduq.
- Azərbaycan optimal heyətlə oyuna çıxsaydı necə?
- Lap əminəm ki, həm Estoniya, həm də Qırğızıstan yığmalarını məğlub edərdik.
- Berti Foqtsun məsələsi həll olunur. Onun yığmada qalmasından sizin də taleyiniz asılıdır?
- Şəxsən mən alman mütəxəssisə mənə yığmada işləmək şansı verdiyi üçün çox minnətdaram. Bu, bütün məşqçilər üçün zirvə nöqtəsidir. Çox şey öyrəndim. İşimə gəlincə, bilirsiniz ki, mənim daha iki vəzifəm var: təhsil departamentində və U-17-də. Mənim yığmada gələcəyim üzərində müzakirə aparmaq və düşünmək lazımdır. Gələn il mən yeniyetmələrdən ibarət yığmaya rəhbərlik edəcəyəm.
- Çətin ki ölkənin birinci komandasının sıralarını tərk etmək istəyirsiniz.
- Təbii ki. Biz Avropa futbolunun nəhənglərinə qarşı oynayacağıq. Bu isə, yeni başlayan gənc məşqçi üçün böyük təcrübədir.
