21 noyabr 2013 11:11
Bəhruz Şirəliyev: Şahin Diniyevi qovmağa hazırlaşmırıq
“Rəvan”ın vitse-prezidenti Bəhruz Şirəliyev azerisport.az saytına müsahibəsində yeni baş məşqçinin gəlişindən sonra komandadakı vəziyyət və infrastruktur haqda danışıb.
Hələlik “rəvan” Şahin Diniyevin rəhbərliyi altında bir qələbə belə qazanmayıb. Bu, sizin planlara daxil idi?
Gəlin söhbətə komandanının ümumiyyətlə bu mövsümdə yalnız bir dəfə qələbə qazanmasından başlayaq. Bu vəziyyət, əlbəttə ki, ürəyimizcə deyil. Diniyevə gəlincə, biz onu bu vəzifəyə təyin edəndə onun təcrübəsini, yerli futbolu bilməsini və oyunçuların psixologiyasına bələd olmasını nəzərə almışıq. Ümumilikdə o, bizə gərəkli mütəxəssis idi. Əsas olan tələsik nəticələr deyil, bu mütəxəssis tərəfindən tutulacaq düzgün yoldur.
Bəs nəticə nə vaxt olacaq?
Nəticə gec və ya tez, olacaq. Görürəm ki, komanda düzgün yoldadır. Qışda heyəti gücləndirəcəyik.
Bunlardan biri “Bakı”nın braziliyalısı Juninyo olacaq?
Bu futbolçu haqda heç bir məlumatım yoxdur. Təbii ki, bu barədə heç bir planım da yoxdur. Mən artıq məşqçi ilə danışmışam və biz öz gücləndirmə planımızı tərtib etmişik.
Deməli, Şahin Diniyevə etibat böyükdür?
Bir neçə uğursuz oyundan sonra onu qovmağa hazırlaşmırıq. Onun iki il yarımlıq müqaviləsi var və ən azından o, bu müddəti işləməlidir.
“Rəvan”ın öz infrastrukturu yoxdur. Bu, nə vaxta qədər davam edəcək?
Az qalıb. Bu ilin sonunda ilk ikimərhələli plan başa çatacaq. Qaraçuxur qəsəbəsində yerləşən bazanın tikintisi başa çatacaq. Burada bizim məşq meydanımız və futbolçuların yaşaması üçün şərait olan klub qərargahı olacaq. Ora 2014-cü ilin əvvəlində köçə biləcəyik.
“Rəvan” “Bayıl Arena”dan nə vaxt köçəcək?
Hələlik bu arenanı tərk etməyə hazırlaşmırıq. Gələn il oradaca tutumu 4500 ya 5000 oturaq yer olan stadionun tikintisinə başlanılacaq. Tikinti yarım ilə qədər davam edəcək. Beləliklə, “Bayıl Arena”da növbəti il də oynayacağıq.
