21 noyabr 2013 17:44
Vüqar Əsgərov: Daha Sumqayıtda oynamaq istəmirəm
“Sumqayıt”ın hücumçusu Vüqar Əsgərov komandadan gedişinin səbəbləri haqda azerisport.az saytına danışıb.
“Mən komandadan getmək qərarına gəldim və prezidentə bu haqda danışdım. Mənim vəziyyətimi anlayaraq məni azad etdiyinə görə onlara təşəkkürümü bildirirəm. Hlə rəsmən transfer vərəqəmi almasam da, biz hər şey barədə razılığa gəlmişik”, deyə Əsgərov bildirib.
Futbolçu öz qərarının səbəblərini demək istəməyib: “Daha bu komandada oynamaq istəmədiyim barədə qərar gəldim. Həqiqi səbəbi deməyəcəyəm. Yalnız onu deyə bilərəm ki, “Sumqayıt”a qarşı hər hansı qərəzim yoxdur. Mən komandanı xoş hisslərlə tərk edirəm və bu mövsümdə uğur arzulayıram. Məni orada hər şey qane edirdi. Şəxsən özüm komandaya bacardığım köməyi etmişəm. Kluba bu 4-5 ay üçün minnətdaram və hətta məşqçi qərargahı qarşısında üzr istəmişəm”, deyə klubun sabiq hücumçusu qeyd edib.
Əsgərov yeni komandasını Azərbaycanda axtarmağı planlaşdırır: “Sumqayıt”ı tərk etməyimə baxmayaraq, Azərbaycandan getməyə hazırlaşmıram. Özümə yeni komanda tapıb gələcəkdə burada oynamaq niyyətindəyəm. Hələlik heç bir variantım yoxdur. Ancaq istənilən təklifi nəzərdən keçirməyə hazıram. Hələ ki fərdi proqramla məşq edəcəyəm”, deyə Əsgərov fikrini tamamlayıb.
