20 noyabr 2013 00:44
Rüfət Dadaşov: Birinci hissədə “on nömrə” altında oynamaq çətin idi
Futbol üzrə Azərbaycan yığmasının hücumçusu Rüfət Dadaşov Qırğızıstan yığmasına qarşı keçirilmiş yoldaşlıq görüşündəki heç-heçəyə (0:0) azerisport.az saytına müsahibəsində şərh verib.
Qırğızlar qarşı oyunun nəticəsini necə qiymətləndirirsiniz?
0:0 bizim üçün yaxşı nəticə deyil. Biz qələbə qazanmaq istəyirdik. Xüsusən son iyirmi dəqiqədə istifadə etmədiyimiz vəziyyətlərə təəssüflnirəm.
Bu gün komandamıza nə çatmırdı?
Qol. Əgər qol vurmursansa, maksimum heç-heçəyə ümid edə bilərsən.
Deməli hücumçuların problemi var?
Müdafiədə normal oynadıq. Ancaq irəlidə doğrudan da heç nə alınmırdı. Xüsusən birinci hissədə. İkinci hissədə daha yaxşı görünürdük.
Meydan necə idi?
Faciə. Burada futbol oynamaq mümkün deyil. Ancaq bu bəraət üçün əsas ola bilməz. Biz rəqiblə bərabər vəziyyətdə idik.
Öz oyununuz barədə nə deyə bilərsiniz?
Mən daha da yaxşı oynaya bilərəm. Bu meydanda öz futbolunu göstərmək çox çətin idi.
Birinci hissədə siz öz mövqeyinizdə çıxış etmirdiniz. Narahatlıq yox idi?
Həqiqətən, ilk hissədə “on nömrə” altında oynayırdım. Bir qədər narahat idi. İkinci hissədə daha rahat idim. Belə ki, Rauf Əliyevə kömək etmək tapşırığı aldım.
Oyunun sonunda sizin yaxşı vəziyyətləriniz vardı. Qol vurmağa nə mane oldu?
Birinci vəziyyətdə qapıçı ayağı ilə oynadı. İkinci epizodda isə çox gözəl tullanış etdi. Belə qurtarışları hər gün görə bilməzsən.
Bu ili Azərbaycan yığmasının aktivinə yazmaq olar?
Əlbəttə.
