20 noyabr 2013 11:50
Yubiley oyunu (VİDEO)
Milli komandaların oyunları ilə əlaqədar Topaz Premyer Liqasında yaranan fasilə bu həftə keçiriləcək 14-cü turun matçları ilə başa çatacaq. Azerisport.az xəbər verir ki, turun açılış oyunu noyabrın 22-də Qəbələdə baş tutacaq. 12 gündən sonra meydana çıxacaq Yuri Syominin yetirmələri öz meydanında AZAL-ı qəbul edəcək.
Mövsümün 6-cı turuna təsadüf edən 1-ci dövrənin oyununda rəqibini 2:1 hesabı ilə məğlub edən “Qəbələ” öz meydanında da 3 xal qazanmağa çalışacaq. “Qara-qırmızılar” üçün bu görüş “təyyarəçilər”ə qarşı yubiley matçıdı. Belə ki, rəqiblər indiyədək 19 dəfə görüşüb.
20-ci duelə qədər “Qəbələ” ilə AZAL 15 dəfə Premyer Liqada, 4 dəfə kubokda görüşüblər. Cari mövsümdə uğursuzluq zolağına düşən və ardıcıl 8 turdur qələbə həsrətində olan bakılılar əyalət təmsilçisi ilə matçlarda üstünlüyə malikdir. Belə ki, paytaxt təmsilçisinin hesabında 8 qələbə var. 5 dəfə meydanı qalib kimi tərk edən Qəbələ klubu isə 6 dəfə də bərabərliklə kifayətlənib. Top fərqində də üstünlük paytaxt futbolçularının tərəfindədir – 28:15.
AZAL-la oyunlarda “Qəbələ”nin heyətində ən çox fərqlənən Kənan Kərimovdur. Onun hesabında 3 qol var. Kristian Torreslə Fərxad Hatəmi isə 2 qolun müəllifidi. Baş tutan matçlardakı yeganə avtoqol AZAL-da oynamış Alves dos Santosun hesabındadı.
Bakılılarla qarşılaşmalarda 10-cu dəfə ev sahibi kimi olacaq “Qəbələ” 2007-ci ildən sonra qonaqlara məğlub olmayıb. İlk 2 dueldə uduzan “qırmızı-qaralar” ardıcıl 7 ev matçında ən azı 1 xal qazanıb. Qəbələdəki son 3 görüşdə isə qalib müəyyənləşməyib.
2006/07. Premyer Liqa
04.11.2006. Gilan (Qəbələ) - Olimpik (Bakı) - 0:3
Xaqani Məmmədov, 32, Yovan Drobnyak, 41, Vidadi Rzayev, 80
2006/07. Premyer Liqa
03.05.2007. Olimpik (Bakı) - Gilan (Qəbələ) - 3:1
Xaqani Məmmədov, 25, Pathe Banqura, 27, Namiq Əliyev, 62 – Vitali Balamestnı, 33
2007/08. Premyer Liqa
02.09.2007. Qəbələ - Olimpik (Bakı) - 0:1
Fərrux İsmayilov, 38
2007/08. Premyer Liqa
15.03.2008. Olimpik (Bakı) - Qəbələ - 2:0
Junivan Suares, 22, Fabio Luis Ramim, 80
2008/09. Premyer Liqa
18.10.2008. Olimpik (Bakı) - Qəbələ - 1:0
Revaz Qetsadze, 4
2008/09. Azərbaycan kuboku, ¼ final
25.02.2009. Qəbələ - Olimpik (Bakı) - 1:1
Kənan Kərimov, 67-p. - Bəşir Müqədi, 35-p.
2008/09. Azərbaycan kuboku, ¼ final
11.03.2009. Olimpik (Bakı) - Qəbələ - 0:1
Fərzad Hatəmi, 66
2008/09. Premyer Liqa
12.04.2009. Qəbələ - Olimpik (Bakı) - 1:1
Fərzad Hatəmi, 49 - Leandro Qomeş, 86
2009/10. Premyer Liqa
17.10.2009. Qəbələ - Olimpik-Şüvəlan (Bakı) - 2:1
Kənan Kərimov, 60; Alves dos Santos, 68 (avtoqol) - Anatoli Doroş, 55
2009/10. Azərbaycan kuboku, 1/8 final
04.11.2009. Olimpik-Şüvəlan (Bakı) - Qəbələ - 2:0
Anatoli Doroş, 73; 74
2009/10. Azərbaycan kuboku, 1/8 final
11.11.2009. Qəbələ - Olimpik-Şüvəlan (Bakı) - 1:0
Kənan Kərimov, 90-p.
2009/10. Premyer Liqa
02.02.2010. Olimpik-Şüvəlan (Bakı) - Qəbələ - 0:2
Kristian Torres, 11; 43
2010/11. Premyer Liqa
23.10.2010. Qəbələ - AZAL (Bakı) - 0:0
2010/11. Premyer Liqa
19.12.2010. AZAL (Bakı) - Qəbələ - 2:2
Qvidas Yuska, 45+5; Robert Petrov, 90 - Arif İsayev, 3; Milan Antiç, 19
2011/12. Premyer Liqa
19.08.2011. Qəbələ - AZAL (Bakı) - 1:1
Deon Barton, 50 - Viktor İqbekoyi, 43
2011/12. Premyer Liqa
05.11.2011. AZAL (Bakı) - Qəbələ - 3:0
Tales Şütz, 49; 68; Tərlan Xəlilov, 90+1
2012/13. Premyer Liqa
29.09.2012. Qəbələ - AZAL (Bakı) - 0:0
2012/13. Premyer Liqa
03.03.2013. AZAL (Bakı) - Qəbələ - 6:1
Viktor İqbekoyi, 17; Cavid Tağıyev, 47; 60; Branislav Arsenyeviç, 71; Zohair Benouahi, 77, Con Olufemi, 90+3 - Mustafa Dabo, 12
2013/14. Premyer Liqa
15.09.2013. AZAL (Bakı) - Qəbələ - 1:2
Con Oluremi, 3 - Viktor Mendi, 6, Daniyel Subotiç, 30
Sonda "Qəbələ"nin AZAL-la son görüşündən hazırlanmış videoreportajı təqdim edirik:
