20 noyabr 2013 13:46
Arif İsayevlə Saşa Yunisoğlu 4 aydı Dənizlispordan maaş almır
Azərbaycanın Türkiyə "Dənizlispor"undakı futbolçuları - Saşa Yunisoğlu ilə Arif İsayev PTT Birinci Liqada çıxış edən bu komandada pulsuz oynamalı olacaq. Azerisport.az xəbər verir ki, həmyerlilərimiz artıq 4 aydı ki, Dənizli təmsilçisindən maaşlarını ala bilmirlər.
Dekabrın 1-də isə bu müddət 5 aya çatacaq. Klub rəhbərliyinin bu məsələni necə yoluna qoyacağı hələ də bəlli deyil.
Qeyd edək ki, analoji problemlə "Kahramanmaraşspor"da çıxış edən digər həmyerlimiz Fərid Quliyev də üzləşmişdi. Nəticədə o, Türkiyə Futbol Federasiyasına müraciət etmək məcburiyyətində qalmışdı.
