19 noyabr 2013 22:22
Ufuk Budak: Hakim sadəcə "zirvədə" idi
Futbol üzrə Azərbaycan yığmasının müdafiəçisi Ufuk Budak Qırğızıstan yığmasına qarşı keçirilmiş yoldaşlıq görüşündəki heç-heçəyə (0:0) azerisport.az saytına müsahibəsində şərh verib.
Oyun haqda nə deyə bilərsiniz?
Bu gün biz çox pis qazonda oynadıq. Belə meydanda çətin oyun olacağını təxmin edirdik. Belə şəraitdə ümumiyyətlə futbol oynamaq olmaz. Buna baxmayaraq ikinci hissədə rəqibin qapısına yol tapmaq üçün kifayət qədər vəziyyətlərimiz oldu. Təəssüf ki, tapşırığın öhdəsindən gələ bilmədik. nəticədə heç-heçə oldu. Daha heç nə əlavə edə bilmərəm.
Qırğızıstan yığması ilə heç-heçə - bu, Azərbaycan yığmasının səviyyəsidir?
Biz öz imkanlarımızdan aşağı oynadıq, səviyyəmizdən aşağı. Öz qiymətimizi saldıq və ikinci ilə sinfidə qaldıq. Biz belə oynamamalıyıq, haqqımız yoxdur.
Siz dayaq zonasında Taşkın İlteri əvəzlədiniz...
Bəli, mən alışmadığım mövqedə oynayırdım. Kənardan necə göründüyünü deyə bilmərəm, ancaq layiqli görünməyə cəhd edirdim. Bir neçə dəfə hücumlara qoşuldum.
Yəni, öz oyununuzdan razısınız?
Bunu deyə bilmərəm. Çünki hamı pis oynadı. Bütün komanda ifadəsiz idi.
Qırğızları məğlub etməyə ancaq pis meydan səbəb oldu?
Tək bu yox. Hakim sadəcə "zirvədə" idi. O, hər şeyi sadəcə “gözəl” mühakimə etdi. Görən, belələrini haradan tapırlar?
Belə oyundan sonra siz mütəmadi olaraq milliyə qoşulmağa ümid edirsiniz?
İnşallah. Həmişə Azərbaycan yığmasının sıralarında olmaq istərdim. Məşqçi müəyyən qərar verəcək.
