19 noyabr 2013 17:25
Qarabağ Rəvanla oyuna tam heyətlə hazırlaşa bilmir
"Qarabağ" "Rəvan"la oyunun hazırlıqlarını davam etdirir. Azerisport.az xəbər verir ki, Premyer Liqanın 14-cü turunda "sarı-qırmızı"lı komandanı qəbul edəcək Ağdam klubu hazırlıqlarını tam heyətlə davam etdirmir.
Milli oyunçulardan əskik çalışan komandaca Rəşad Sadıqovla Admir Teli də komandadan ayrı düşüb. Sadıqov belindən, Admirsə barmağından aldığı zədənin bərpasıyla məşğuldu. Albaniya millisinə yollanmış Ansi Aqolli isə artıq geri dönüb və komandanın hazırlıqlarında iştirak edir.
Yaranmış fasilədə yoxlama oyunu keçirməyən komanda mövcud futbolçularla 2 tərəfli oyun keçirib. Suraxanıdakı məşq meydançasında baş tutan oyun 40 dəqiqlik 2 hissədən ibarət olub.
Qeyd edək ki, "Qarabağ" - "Rəvan" oyunu noybarın 24-də, bazar günü Respublika stadionunda keçiriləcək.
