19 noyabr 2013 15:44
Dvoryankov: Əminəm ki, Estoniya rəsmi görüşdə Azərbaycana qalib gələ bilməzdi
Futbol üzrə Qırğızıstan yığmasının baş məşqçisi Sergey Dvoryankov Azərbaycan yığmasına qarşı keçirilmiş yoldaşlıq görüşündən (0:0) sonra mətbuat konfransı keçirib. Azerisport.az Dvoryankov fikirlərini diqqətinizə çatdırır:
“Fasilədə Abitov öz vəziyyətindən şikayət etdi və buna görə də əvəzləmə oldu. İkinci əvəzləmə daha çox mənəvi planda idi. Baymatov uzun müddət xəstə idi və bu yaxınlarda məşqlərə başlamışdı. Biz onu dəstəkləmək istəyirdik”.
Azərbaycanı ən yaxşı Asiya komandaları ilə müqayisə edərdiniz?
Bu haqa danışmağa dəyməz. Bu rəsmi görüş deyil, yoldaşlıq oyunu idi. His olunurdu ki, həm sizdə və həm də bizdə mövsümün sonudur. Bəlkə də məhz buna görə oyun maraqlı alınmadı.
Berti Foqts sizi öz qərarları ilə təəccübləndirdi?
Deyə bilmərəm ki, məni nə iləsə təəccübləndirdi. Şəxsən mən Azərbaycan yığmasının son iki oyununa baxmışdım. Deyə bilmərəm ki, yığmanızın oyunu çox fərqlənirdi. Mənim nöqteyi-nəzərim oyunun rəsmi statusunun sizin oyunçulara çox təzyiq etməsində israrlıdır. Əminəm ki, Tallindəki oyun rəsmi görüş olsaydı, Estoniya bu oyunda qələbə qazana bilməzdi.
Azərbaycan yığmasının oyunçularından kim yadda qaldı?
Bizim hücumda çətinliklərimiz olduğundan, sizin mərkəz hücumçunuz Rauf Əliyevi fərqləndirərdim. O daim yerdəyişmə edirdi. Ancaq kifayət qədər ötürmə almırdı. Bizim üçün məzuniyyətə xoş əhvalda getmək vacib idi.
Oyunun sonunda eniş nə ilə bağlı idi?
Funksional hazırlıqla. Azərbaycan yığmasının seçim imkanları bizdən çoxdur.
