19 noyabr 2013 15:11
Berti Foqts: Son 20 dəqiqədə pis oynamadıq
Futbol üzrə Azərbaycan yığmasının baş məşqçisi Berti Foqts Qırğızıstan yığmasına qarşı keçirilmiş yoldaşlıq görüşündəki heç-heçəyə (0:0) şərh verib. Azerisport.az xəbər verir ki, alman mütəxəssis bunları söyləyib:
“Rəqibin oyunundan xoş mənada təəccübləndim. Qırğızıstan yığmasının Estoniya yığmasına qarşı oyununa baxmışdım. Son iyirmi dəqiqədə pis oynamadıq. Bu meydandan daha yaxşı meydanda oynamaq istərdik. Biz kombinasiyalı futbol oynayırıq və bizə çətin idi. Bu gün qələbə üçün hər şey etdik. Təəssüf ki, Abışov oynamadı. Qırğızıstan göstərdi ki, rəqibi qiymətləndirməmək olmaz. Biz isə bu nəticəyə bəraət axtarmamalıyıq”.
