18 noyabr 2013 11:15
Mahir Şükürov: Foqts dedi ki, qələbəni rəqibə hədiyyə etdik
Futbol üzrə Azərbaycan yığmasının kapitanı Mahir Şükürov azerisport.az saytına müsahibəsində Qırğızıstanla yoldaşlıq görüşü haqda fikirlərini bildirib.
Qırğızıstanla oyundan nə gözləyirsiniz?
Qələbə qazanmaq lazımdır. Axı biz evə də qayıtmalıyıq (gülür).
Qarşıdakı rəqibi Estoniya yığmasından zəif hesab edirsiniz?
Ancaq nisbətdə. Onlar da qələbə qazanmaq istəyində olacaqlar.
Nə üçün Estoniya ilə oyunda komanda ikinci hissəni zəif keçirdi?
Bəzi futbolçular nəinki rahatlığı, belə deyək, nəticə üçün arxayınlığı his etdilər. Ancaq aydın idi ki, estonlar daha da aqressiv oynayacaqlar.
Sirr deyilsə, oyundan sonra Foqtsla söhbətiniz olub?
Dedi ki, biz qələbəni rəqibə hədiyyə etdik.
Razısınız?
Tamamilə.
Hələ də təcrübələrin komandaya lazım olduğunu düşünürsünüz?
Bəli. Hələ Foqtsun qalıb-qalmayacağı bəlli deyil, ancaq yenə də yenilikləri yoxlamaq lazımdır. Belə ki, təcrübələr aparmaq lazımdır.
