18 noyabr 2013 21:13
Əsgər Abdullayev: Altı il ərzində Foqts böyük dəyişikliklərə nail ola bilməyib
“Araz Naxçıvan”ın baş məşqçisi Əsgər Abdullayev Berti Foqtsun futbol üzrə Azərbaycan yığmasının sükanı arxasında dayanması haqda fikrini azerisport.az saytı ilə bölüşüb.
“Son qərarı AFFA verəcək. Ancaq mənim fikrimcə mütəmadi məşqçi dəyişiklikləri yaxşı hal deyil. Ancaq gəlin, komandanın altı il ərzində Foqtsla nəyə nail olduğuna baxaq. Hüsab edirəm ki, bu, az müddət deyil. Belə şans hər məşqçiyə verilmir. Bu müddətdə Foqts böyük dəyişikliklərə nail ola bilməyib”, deyə Abdullayev fikrini bildirib.
Alman mütəxəssisin mümkün varisinə gəlincə, Abdullayev qeyd edib: “Milliyə xeyir verə biləcək məşqçi lazımdır. Futbolçuların səviyyəsi ilə bərabər rəqabəti də artırmaq lazımdır. Təsnifat oyunlarına baxın: ciddi dəyişikliklər yoxdur. Nəticələri yaxşılaşdırmaq olardı. Bəli, doqquz xal bizim üçün pis nəticə deyil. Ancaq daha da yaxşı ola bilərdi. Biz ilk növbədə Foqtsun nəyə nail olduğunu özümüz-özümüzdən soruşmalıyıq. Mən hesab edirəm ki, onun yerinə yerli mütəxəssis gəlməlidir. Ad çəkməyəcəyəm. Yerli mütəxəssis yığmamızı daha yaxşı tanıyır. Əgər yerli mütəxəssisə ən azı Foqtsa yaradılmış şərait yaradılsa, onun nəticəsini təkrarlamaq olar. Azərbaycanda təcrübəli məşqçilər var. Belə şərtlərlə isə böyük uğurlara nail olmaq olar”.
