18 noyabr 2013 20:00
Rahid Əmirquliyev: Qırğızıstanla oyuna köklənmə yetərlidir
Futbol üzrə Azərbaycan yığmasının yarımmüdafiəçisi Rahid Əmirquliyev sabah Bişkekdə keçiriləcək Qırğızıstan - Azərbaycan oyunu ilə bağlı azerisport.az saytına müsahibə verib.
Qırğızıstanla oyuna köklənmə çətin olacaq?
Düşünmürəm ki, problemlərimiz olacaq. Axı bu, ilin son oyunudur və hamı qələbə qazanmaq istəyir. Buna görə də Qırğızıstanla oyuna köklənməmiz yetərlidir.
Qırğızıstan yığması haqda nə deyə bilərsiniz?
Düzünü deyim, geniş məlumatım yoxdur.
Məqsəd birdir - qələbə. Həlli mümkün tapşırıqdır?
Futbolda hər şey ola bilər. Ancaq biz Bişkekə qələbə dalınca gedirik.
Tallin və Bişkekdəki oyunlara qarşınızda hansı məqsədi qoymuşdunuz?
Ancaq mütləq nəticə haqda düşünürdük - hər iki görüşdə qələbə qazanmaq. Estoniyada alınmadı. İnşallah, Qırğızıstanda alınar.
Niyə Azərbaycan yığması Estoniya yığmasına məğlub odu?
Birinci hissədə rəqibdən yaxşı görünürdük, ancaq ikinci hissdə zəif oynadıq. Ola bilər ki, futbolçular yorulub. Həm də orada meydan pis idi.
Orta xətdə Foqtsun “Tallin təcrübələri”nə təəccübləndiniz?
Kimi hara qoymaq məşqçinin qərarıdır. ən azca qabaqda hücumçuların altında oynayırdım. Çətin idi. Axı həmişə “dayaqçı” oynayıram. İkinci hissədə Ruslan Abışovla oynamağa başladım. Oyunun gedişində isə sağ cinaha keçdim.
